قەتەر: کار بۆ راگەهاندنا ئاگربەستێ دکەین
پەیڤدارێ وەزارەتا دەرڤە یا قەتەرێ راگەهاند، ئەو وەکو قەتەر کار دکەن دا ئاگربەست ل غەزە بهێتە راگەهاندن، هەلوەستێ حەماسێ ل هەمبەر ئاگربەستێ هاتیە گوهۆڕین و ئسرائیلێ ژی هەتا نها بەرسڤا شاندێ مسرێ نەدایە، لێ ئەو وەکو قەتەر ل گەل مسرێ د بزاڤەکا مەزن داینە دا بشێن د زووترین دەم دا ئسرائیلێ ژی رازی بکەن دا ئاگربەست بهێتە راگەهاندن.
ماجد ئەلئەنساری ئەو یەک ژی دیار کر، نها ل غەزە رەوش گەلەک خرابە، پێدڤیا وەلاتیان ب خوارنێ و هاریکاریێن مرۆڤی هەیە، لێ ژ بەر ئێرشێن بەردەوام یێن ئسرائیلێ خوارن و پێدڤیاتێن ژیانێ ناگەهنە دەستێ خەلکی، لێ هەکە شەر بهێتە راگرتن دێ دەلیڤە هەبیت دا رێکخستنێن مافێن مرۆڤی بشێن هاریکاریا خەلکێ لێقەومی ل غەزە بکەن، ژ بەر ڤێ یەکێ ژی د پێنگاڤا ئێکێ دا دڤێت شەر بهێتە راگرتن.
