قەرێن كارەبێ دێ هێنە دان
هەولێر، قائید میرۆ:
پەیڤدارێ وەزارەتا كارەبێ ئاشكراكر، ئەو جهێن كارەبا وان بوویە 24 دەمژمێری و كرێیا بەرێ یا كارەبێ نەدای، پێدڤیە قەرێ خۆ ڤەگەڕینن و دبێژیت: هەتا نوكە چو بڕیار نینن بۆ ئازاكرنا وەلاتیان ژ قەرێن بەرێ.
ئومێد بابان، پەیڤدارێ وەزارەتا كارەبێ بۆ رۆژناما ئەڤرۆ دیاركر، د دەمێ نوكە دا كارەبا سەنتەرێ هەرسێ پارێزگەهێن كوردستانێ بوویە 24 دەمژمێری و پارێزگەها هەلەبجە ژی ب تەمامی بوویە 24 دەمژمێری و گۆت: «ئاریشەیا چوونا كارەبێ ژی ل ئەڤان دەڤەرێن بوویە 24 دەمژمێری دەمكیە و دێ ئێكجاری چارەسەر بیت، پشتی شەش هەیڤان دێ موەلیدە ل ئەڤان جهێن كارەبا 24 دەمژمێری هەی ب ئێكجاری هێنە راكرن و نامینن، چونكی ژ بەر حالەتێن پێدڤی جارێ موەلیدە دێ مینن، ئەگەر ل جهەكی كارەب چوو، دا موەلیدە كار بكەن».
ئومێد بابان گۆتژی: «وەرگرتنا كرێیا كارەبێ ل گورەی سیستەمێ نوویە و ئەڤێن قەرێن بەرێ ژی هەبن دێ كەڤنە سەر ئەو پسۆلا نوو یا كارەبێ و پێدڤیە وەلاتی پێگیربیت ب دانا قەرێن كارەبێ یێن بەرێ، هەتا نوكە چو بڕیار نینن بۆ ئازاكرنا وەلاتیان ژ قەرێن كارەبێ، لەوڕا پێدڤیە وەلاتی قەرێ خۆ بۆ حوكمەتێ ڤەگەڕینن».
