قەستەرە نە ژ نشتەرگەریێن مەزنە
بەرپەرێ ساخلەمیێ:
نیشانێن دیار یێن جەلتا دلی سنگ ئێشان و بهێن تەنگیی یە و ئەگەرێن سەرەكی ژی نەخۆشیێن شەكرێ و فشارا خۆینێ و هندەك ئاریشەیێن دی نەو، قەستەرە نە ژ نشتەرگەریێن مەزنە و پتریا نەخۆشێن جەلتا دلی پێدڤی دبن.
د.ماهر محەمەد ئەمین تاهر، تایبەتمەندێ نەخۆشیێن دلی و قەستەرا دلی دیاركر ژ نیشانێن جەلتا دلی ئەوە كو سنگێ مرۆڤی دئێشیت و بەهرا پتر رەخێ چەپێ و نیڤەكا سنگی و ددەتە حەفك و ملێ مرۆڤی یێ چەپێ و هندەك جارا بێهنا مرۆڤی ژی تەنگ دبیت، دەمێ ئەف نیشانە هەبن پێدڤیە نەخۆش سەرەدانا نەخۆشخانا تەنگاڤیا بكەت یان سەرەدانا نۆشدارێ خو یێ تایبەت بكەت ژ نێزیك رەوشا وی بهێتە دیتن، و گوت: نە هەر سنگ ئێشانەك جەلتا دلی یە، دگەل وان نیشانێن مە دیاركرین عێلنجی و دل رابون و خوهدان ل دەف نەخۆشی پەیدا دبیت، و بەهرا پتر یا حالەتێن جەلتا دلی نەخۆش نەشێت بمینتە ل مال ئەو بخو بزاڤا دكەت و ل چارەسەریێ دگەریێت.
د.ماهر محەمەد ئەمین تاهر دیاركر ژی ئەگەرێن سەرەكی یێن جەلتێ بەهرا پتریا وان كەسا نەخۆشیا شەكرێ یان فشارا هەیی یان ژی جگاركێشە یان قەلەوی و كێم وەرزش و دوهنیاتن، و قەلەق ژی ئێك ژ ئەگەرا نە، و گوت: بەهرا پتر یا نەخۆشێن جەلتا دلی پێدڤی ب قەستەرێ دبن و قەستەرە ژی نە ژ نشتەرگەریێن مەزنە، ئەم بێهۆشكرنا مەوزوعی بو نەخۆشی ددەستی یان بەر رانی را چێدكەین، ئەم سەدكەنە شەراینێن دلی كا د چەوانە رەنگە ئێك یا گرتی بیت یان یا تەنگ بیت، و ئەم بالونا بو ددانین یان شەبەكا، ئەڤە وەك چارەسەری، و گوتژی: ژبلی قەستەرێ پێدڤی ب هندەك جورێن حەبا دبن یێن دوهنیاتانە و هندەك هەر گرێدایی دلی نە ئەم پشتی قەستەرێ ددەنە نەخۆشی، داخازی ژ نەخۆشێن خو دكەین ئیهمالێ نەكەن دەمێ سنگێ وان دئێشیت نە میننە ل مال و سەرەدانا نەخۆشخانا تەنگاڤیا بكەن.
