قەیرانا ئاڤێ دێ بیتە ئەگەرێ شەڕەکێ نوو ل ئۆرۆپا
رۆژناما واشنتۆن پۆست یا ئەمریکی د راپۆرتەکێ دا بەحسێ ڤێ یەکێ کریە، بەری دەمەکێ ل کۆمسیۆنا ئێکەتیا ئۆرۆپا کۆمبوونەک د ناڤبەرا ئەندامێن ئێکەتیا ئۆرۆپا دا هاتیە گێران و د کۆمبوونێ دا بەحسێ مەترسیا ئاڤێ ل سەر ئێکەتیا ئۆرۆپا هاتیە کرن، ئەندامێن لیژنێ بەحسێ ڤێ یەکێ کرینە، سال ب سالێ ئاڤ ل ئۆرۆپا کێم دبیت و رێژەیا باران بارینێ ژی کێمتر لێ دهێت، ئەو یەک دێ وەلاتێن ئێکەتیا ئۆرۆپا تووشی قەیرانەکا گەلەک مەزن یا کێم ئاڤیێ کەت و دڤێت وەلاتێن ئێکەتیا ئۆرۆپا هەر ژ نها ڤە خوە بۆ قەیرانا ئاڤێ و چارەسەریا وێ بەرهەڤ بکەن.
د راپۆرتێ دا بەحسێ ڤێ یەکێ ژی هاتیە کرن، دبیت ژ بەر کێمبوونا ئاڤێ هندەک ژ وەلاتێن ئێکەتیا ئۆرۆپا نەچار بن ئاڤا هندەک وەلاتێن دی بکار بینن و ئەو یەک ژی دێ رێ بۆ شەڕەکێ نوو ل ئێکەتیا ئۆرۆپا ڤەکەت، چونکی وەلاتێن ئێکەتیا ئۆرۆپا هەتا نها ژی چو بەرهەڤی بۆ کاریگەریێن خراب یێن گوهۆڕینا سەقایێ نەکرینە.
