كاتێن خەونان
ژینێ رێكانی
خەونێن من
كەت كەتە
یێ ژ عەسمانێ هییڤیێن من
د وەریێن..
خوهێ ماندیبوونا من یا گرتی
هندی بۆ تەوافا هەمبێزا تە یا گەرم
ڕێكا دبڕم
چولبڕ ل بەژنا ئەلندێ
د مەیزینم..
دا تێهنا خەونێن خوە
ب سەرابا بەژنا تە
بڕەڤینم..
وەستییام،
ل پەی سەرابا ئەڤان خەونێن
ب سەر خلۆلەیا من
دگڕنژن..
دكەنن..
وەستییام،
دێ خەونێن دلێ من نژنین
كهمە د ناڤ مشۆتەكا
هزار جار پراسی لێ ئاڤچی كرین
ل پێلێن «زێ«ی وەركەم
دا تێهنا خەونێن من
كاتا بدەن،
د ناڤ بەلگێن
چنارەكا تا بەلاڤ و بەژن شرین دا.
