كاراتیا دهۆكێ چاڤ ل ناسناڤێ كوردستانێ یه
ئهڤرۆ،
دهێته چاڤهڕێ كرن ئهڤرۆ تیما كاراتێ یا یانا دهۆكێ بهر ب باژێرێ سلێمانیێ بڕێكهڤیت وهكو نوونهرا ئێكانه یا پارێزگهها دهۆكێ پشكداری قارهمانیا ههرێما كوردستانێ بیت ئهوا بڕیاره سوبههی پێنچ شهمبی ل سهر ئاستێ یانێن ههرێمێ بۆ سیستهمێ كاتا و كۆمێته ل هۆلا گرتیا پارائۆلمپی بهێته ئهنجامدان.
لدۆر بهرههڤیێن نوونهرا پارێزگههێ یوسف رهشید جێگرێ سهرۆكێ یانا دهۆك و سهرپهرشت و سهرۆك شاندێ تیما كاراتێ بۆ رۆژناما ئهڤرۆ دیاركر تیما وان دێ ب حهفت یاریزانا پشكداری قارهمانیێ بیت كو دهێته هژمارتن ئێك ژ ب هێزترین قارهمانیێن ههرێمێ ژبهركو پرانیا یانێن خودان شیان سهر ئاستێ ئیراقێ و كوردستانێ ههنه و دێ ههڤڕكیهكا جودا دناڤبهرا یاریزانا ژی دا ههبیت.
ههروهسا ناڤهاتی گۆت: سهرباری دووركهفتنا یاریزانا بۆ ماوێ بوری ژ راهێنانا لێ بهرههڤیێن باش هاتینه كرن و ههموو یاریزانێن مه سهربۆر و شارهزاهی د قارهمانیا دا ههنه و رژدی بۆ ههموویان پهیدابوویه كو نه بتنێ دێ بۆ پشكداریێ بهر ب سلێمانیێ چن بهلكۆ دێ بۆ رێزێن ئێكێ و ناسناڤی ههرێمێ كهن و ژلایێ خوهڤه كارگێریا یانێ ل دووڤ شیانێن خوه ههر تشتهكێ پێدڤی بۆ تیمێ بهرههڤكرینه ب هیڤییا وێ یهكێ بشێن زلهێزیا كاراتێیا دهۆكێ بۆ ههموو یانێن كوردستانێ دیاركهن و گهشبینن و مه باوهری ب یاریزانێن خوه ههیه.
