كارتا گۆڕان ژی سۆت و په‌ستا خوه یا دووماهیێ هه‌ر نه‌گۆت!!
سه‌ره‌ده‌ریا وه‌لاتێن هه‌ڤسوو ل گه‌ل ره‌وشا سیاسی یا هه‌رێما كوردستانێ ب تایبه‌تی وه‌لاتێ ئیرانێ ب رێا دو بان و هه‌وا یه‌ك دهێته به‌رجه‌سته‌كرن، جونكی دو جه‌مسه‌رێن هه‌ڤدژێن ل جیهانی هه‌ڤڕكیه‌كا دژوار ل سه‌ر ده‌ڤه‌رێ و كونتروَلكرنا وێ دكه‌ن، حوكمه‌تا هه‌رێما كوردستانێ و سه‌ركرداتیا وێ ژی كه‌فتینه به‌ر هه‌مان باروَڤا هه‌ڤڕكیێ ئالیێ راست و دیموكرات خوازی و برێڤه‌به‌رنا ئه‌جیندایێن وه‌لاتێن روَژئاڤایی و ئالیێ چه‌پ و كنارێ برێڤه‌برنا ئه‌جیندایێن سیاسه‌تا وه‌لاتێ روَژهه‌لاتی كو هه‌ردو حزبێن سه‌ره‌كی ل هه‌رێما كوردستانێ نوونه‌ریان هه‌ر ئێك ژوان جودا دكه‌ن.
دانانا به‌ربه‌ست و ئاسته‌نگان ژ وێ گێژڤانه‌كا هه‌ڤڕكیێ دهێته روَژه‌ڤێ و به‌رچاڤ دبیت، ئه‌ڤجا چاوا و كه‌نگێ و ل كیڤه ئه‌ڤه دێ بیته سوحبه‌ته‌كا دی یا دوور و درێژ، جودا بوونا هزرا بزاڤا گوَڕان ژ پارتا ئێكه‌تی نیشتیمانی كوردستان ب دیتنا من هه‌ر ل ده‌سپێكا وێ جودا بوون و په‌یدابوونه‌كا سروَشتی نه‌بوویه، چونكی ئارمانج و مه‌ره‌مێن سیاسی یێن روهن و ئاشكرا ل پشت نه‌بووینه و درێیا وان ئارمانجان دا ژی نه هاتینه مه‌یدانا سیاسی یا هه‌رێما كوردستانێ ب هزر و بوجونێن نوو و به‌رنامه و په‌یره‌و نووخوازی ل به‌رده‌ست هه‌بن، لێ دهێته دیتن به‌لكی هه‌تا راده‌كی هه‌ڤڕكیا ل سه‌ر هنده‌ك پایه و پوَستان یان ژی ناكوَكیا هنده‌ك كه‌سان ل سه‌ر هنده‌ك خالێن لاوه‌كی، و مایتێكرنا وه‌لاتێن ده‌ره‌كی ئه‌و ره‌وشه بوَ ئامانجێن خوه یێن تایبه‌ت بكارئینان، لێ هه‌ر ره‌وشا سیاسی یا هه‌رێما كوردستانێ وه‌كی خوه ما و چو كارتێكرنه‌كا نه‌رێنی ل سه‌ر نه‌هاته كرن، برێیا خوه‌نیشادانان ل به‌ر ده‌رگه‌هێ سه‌رایا سلێمانیێ و هه‌تا گه‌هشتیه هێرشێن راگه‌هاندنێ و پاشی تێكدانا روونشتنێن په‌رله‌مانی هه‌موو كارتێن گڤاشتنێن وان هاتنه ژناڤبرن و هه‌موو پیلان ژی هاتنه ژناڤبرن.
پاشی هزرا پشكداریا د حوكمه‌تا بنكه فراوانا هه‌رێما كوردستانێ هاته مه‌یدانێ، به‌لێ ئه‌و ژی ب ده‌ستڤه‌نه‌هات به‌لكی به‌روَڤاژی وێ چه‌ندێ هه‌موو كار و كریارێن وان د به‌رژوه‌ندیا حوكمه‌تا هه‌رێما كوردستانێ و سه‌ركردایه‌تیا هه‌رێمێ دا هاتنه ده‌ربازكرن، و ئێكه‌تی نشتیمانی كوردستان پشتی تێكچوونا ره‌وشا ساخله‌میا جلال تالبه‌انی خالێن دوبه‌ره‌كیێ دناڤ دا پتر لێ هاتن و ئالیێن هه‌ڤگرتی بوونه نه‌یارێن ئێكودو، هه‌روه‌كی وه‌لاتێن هه‌رێمی ب تایبه‌تی وه‌لاتێ ئیرانێ گه‌هشته قه‌ناعه‌ت و باوه‌ریه‌كا ته‌مام ئه‌ڤه دووماهیا وێ هات، جاره‌كا دی كارتا گڤاشتنا ل سه‌ر ئێكگرتنا بزاڤا گوَڕان و ئێكه‌تیێ هاتنه به‌حسكرن، پشتی كارتا كوَڕان د مه‌یدانا سیاسی یا هه‌رێما كوردستانێ هاتیه سوَتن و به‌لێ په‌ستا خوه یا دووماهیێ وان نه‌گوَتن، هێرشێن ل سه‌ر دستوری و سه‌روَكێ هه‌رێما كوردستانێ و هه‌موو بزاڤێن بێ مفا هه‌موو به‌ر ئاڤێ دا چوونه خوار، راوه‌ستاندنا هنارتنا پتروَلا هه‌رێما كوردستانێ ب رێیا وه‌لاتێ توركیا نه‌شیان زه‌برا هێزا حوكمه‌تا هه‌رێما ب چه‌مینن، ب مه‌ره‌ما رێگرتنه‌كا دی ل هه‌مبه‌ری سه‌ركردایه‌تیا كوردستانێ و حوكمه‌تا هه‌رێما كوردستانێ دڤێت كارته‌كا دی ب ره‌نگه‌گێ دی و گڤاشتنه‌كا دی و ب نه‌فه‌سكا نووتر به‌رامبه‌ری ب هێته ب كارئینان.
لێ یا گرنگ ل ڤێره ئه‌وه پرسیاره‌كا به‌ر ئاقل ئه‌رێ درووشمێن گوهوَریِن و چاكسازی و نه‌هێلانا گه‌نده‌لیێ وه‌كی وان هه‌ردو حزبان خه‌ون پێڤه دیتن كیڤه چوون و دێ چاوا ئێدی خه‌لكه‌كی ل پاشه‌روَژا بهێت دێ خاپینن یان هنده‌ك درووشمێن دی بوَ بێژن؟، ئه‌رێ ئه‌و گه‌نجین ل پارێزگه‌ها سلێمانیێ و ده‌سته‌یا سه‌ركرداتیا گوَڕان هه‌مان باوه‌ری دێ ب هزروبیرێن ئێكه‌تیێ هه‌بیت یان وان به‌ر تێوه‌ركرن و ته‌لاق دای؟، ئه‌رێ هه‌كه مه‌رجێن سه‌ركردێ بزاڤا گوَڕان ده‌رئێخستنا هنده‌ك سه‌ركردێن ئێكه‌تیێ بیت كو دو ژه‌ان بالێن هه‌ره بهێزن د ناڤ ئێكه‌تیێ دا ره‌وشا ئێكه‌تیێ دێ به‌رب كیڤه چیت جاره‌كا دی جودابوون ؟ گه‌له‌ك پرسیاران دڤێت مروَڤ ب رژدی ل سه‌ر راوه‌ستیت و هزرا خوه تێدا بكه‌ت.
