كارتێكرنا ترومبێلێن بیانی ل سه‌ر قه‌یرانێن سوته‌مه‌نیان
پشتی مشه‌ختبوونا ژماره‌كا مه‌زن ژ ملله‌تێ عیراقێ یێن كورد و عه‌ره‌ب ژ هه‌می پارێزگه‌هێن عیراقێ یێن نێزیك
و دوور بۆ كوردستانێ ژ پێخه‌مه‌تا پاراستنا گیانێ خو و ژیانه‌كا ئارام, ژماره‌كا مه‌زن ژ ڤان په‌نابه‌ران ترومبیلێن خوه
یێن تایبه‌ت ل گه‌ل خوه ئیناینه كوردستانێ, ترومبیلێن بچووك و بارهه‌لگر یێن ژماره‌یێن بیانی وه‌كو مووسل و به‌غدا پڕی جادێن مه یێن بووین و ئه‌ڤ جۆره ترومبێله دبنه بارگرانیه‌كا مه‌زن ل سه‌ر جاده و پاركێن باژێرێن مه، هه‌ر وه‌سا ده‌مێ قه‌یرانا پانزینێ دبنه بارگرانی بۆ وه‌لاتیێ كوردستانی چونكو چو جوداهی د ناڤبه‌را وان و وه‌لاتیێ خودان كار ل داموده‌زگه‌هێن میری دا نینه و رێیێ ل به‌ر ترومبیلێن مه دگرن ده‌مێ ژمارا وان گه‌له‌ك بن و چ و جاران هه‌ست ناكن كو یێن هاتین وه‌كو په‌نابه‌ر و پێدڤیه رێزێ ل وه‌لاتیێ باژێری بكن و ده‌مێ ل جهه‌كی پاركا ترومبێلا خوه بكن دڤێت ب رێزگرتن ل دووڤ رێنمایێن ترافیكی و پێداویستیێن وه‌لاتیان ره‌فتارێ بكه‌ن, هه‌ر وه‌سا ژماره‌كا نه كێم ژ ڤان كه‌سان یێن خودان ترومبێلێن بارهه‌لگر و ته‌كسی ململانێ ل گه‌ل وه‌لاتیێ كوردستانێ دكه‌ن بۆ كارێ تایبه‌ت و كارێ بارهه‌لگرتنێ نه‌خاسمه ئه‌ڤ جۆره ترومبێله ناهه‌ێنه سزادان ل دووڤ قانوونا ترافیكێ و د شیان دا هه‌یه ل دووڤی حه‌زا خوه سه‌رپێچیان بكه‌ت و ل دووڤ به‌رژه‌وه‌ندیا كاری, به‌لكو ئێك بێژیت ئه‌ڤه رزقه و هه‌ر كه‌سه‌ك رزقێ خوه دخۆت, به‌لێ ئه‌ڤ په‌یڤه گه‌له‌ك شاشه، چونكو حوكمه‌تێن هه‌می ده‌وله‌تێن جیهانی یێن سه‌ركه‌فتی هنده‌ك قانوون یێن داناین بۆ پاراستنا ژێهاتیێ وه‌لاتیێن خوه ل به‌رامبه‌ری وه‌لاتیێن بیانی و ئه‌ڤه ل دووڤ شه‌رعا خودێ ژی كاره‌كی دروسته، چونكو هێشتا ژماره‌كا باش ژ ملله‌تێ مه هه‌ژاره و داهاتیێ وی وه‌لاتی بۆ مه فه‌رتره ژ داهاتیێ په‌نابه‌ره‌كی بیانی و وه‌كو پێغه‌مبه‌رێ مه دبێژت (كلكم راعی وكلكم مسوول عن رعیته), هه‌كه ئه‌م وه‌كو ملله‌ت ئه‌ڤ جۆره هشیاربوونه بۆ مه په‌یدانه‌بیت كو داهاتیێ وه‌لاتیێ خوه بپارێزین, چو جارا ئه‌م نانێ خوه ب ته‌ناهی ناخۆین و هه‌ر داهاتیێ مه دی بۆ ملله‌تێ بیانی بت و ملله‌تێ مه دێ گازندا موعیزیێ كه‌ت, ئه‌ڤه نه پێشنیازه‌كا تونده دژی ملله‌تێ بیانی ل كوردستانێ، به‌لێ مافێ مه وه‌كو ملله‌تێ كوردستانی یێ دهێته خوارن ژ لایێ ملله‌تێ بیانی ڤه ب ناڤێ.. گونه‌هێ و شه‌رمێ. .. هتد، هه‌رده‌م ئه‌ڤ ملله‌تێ بیانی ترانێن خوه ب مه دكه‌ن ژ به‌ر دلپاقژی و خشیمیا مه، داكو ئه‌م باش بزانێن كو چو ماف نا هێته دان به‌لێ دهێته ستاندن و یا باش ئه‌وه ئه‌م هه‌می به‌رژه‌وه‌ندیا كوردستانێ و مافێ وه‌لاتیێ كورد بپارێزین داكو ئه‌م پێنگاڤێن ده‌وله‌تبوونا كوردستانێ بهاڤێن.
