كارتێكرنا ( ده‌مێ پشیك دبن پلنگ )
ئه‌ڤراز حامد نسری
ل 2022/6/30 ئه‌م ل باخچه‌یێ ئێكه‌تیا نڤێسه‌رێن كورد – دهۆك ، كۆم بووین ژ بۆ ئێڤاریه‌كا ئه‌ده‌بی و بابه‌ته‌كێ لدۆر ( گرنگیا بیردانكێ د ئافراندنا تێكستێ وێژه‌ی دا ) كو مامۆستا ( ئیسماعیل سلێمان هاجانی ) پێشكێش دكر ، هه‌روه‌سان ل دوماهیا ڤێ ئێڤاری مامۆستا هاجانی كۆمه‌لا خوه‌یا شه‌شێ ب ناڤێ ( ده‌مێ پشیك دبن پلنگ بۆ وان نڤێسه‌ر و مامۆستا و دكتۆر و ره‌وشه‌نبیرێن ل وێری ئاماده‌بووین – كو ئه‌ژی ئێك ژوان ئاماده‌بویا بووم-) به‌لاڤ كر و ئیمزا كر .
پشتی چه‌ندین رۆژا ل 2022/7/4 ئانكو چار رۆژان پشتی ڤێ ئێڤاری من ده‌ست ب خاندنا كۆمه‌لا چیرۆكان كر ، كو ئه‌ز ب خوه ژی ئێك ژ خوانده‌ڤانامه ب تایبه‌ت ژی خانده‌ڤانێ چیرۆكێ مه، ل ده‌مژمێر ئێكی پشتی نیڤرۆ من ده‌ست ب خاندنێ كر و ب هه‌می تێگه‌هشتن و خواندن و وه‌ستیان و ماندی بوون ڤه ئه‌ز نه‌شیام ده‌ستا ژ خواندنا ڤێ په‌رتوكێ به‌رده‌م ، ژبه‌ركو كارتیكرنا وان چیروكێن دڤێ په‌رتووكێ دا ل من كرین ئه‌ز باوه‌رناكه‌م و بیرامن ناهێت كو هندی من په‌رتووكه‌ك خاندبیت وه‌سا كارتێكرن ل من كربیت، هندی ڤێ په‌رتووكێ كارتێكرن ل من كر كو ده‌ستا ژ خواندنا وێ به‌رنه‌ده‌م هه‌تا ب دوماهیك بهێت.
ب تایبه‌ت ژی چیرۆكا ( هه‌لبه‌سته‌كا لال ، سووندا گوندێ مه ، سه‌ره‌دان ) ڤان هه‌رسێ چیرۆكان وه‌سا كارتێكرن ل من كر ده‌ما كو من دخواندین و خلاس كرین بو ده‌مێ چه‌ند ده‌قه‌كان من بتن به‌رێ خوه ددا وان رێزكێن دناڤ ڤێ چیرۆكێ دا هاتین و دوباره دخوانده‌ڤه، ژ شه‌رمێ بچیته‌ده‌ر و دێ بێژم ژی چیرۆكا ( سه‌ره‌دان ) تا وی راده‌ی كارتێكرن ل من كر رۆندك ژ چاڤێن من هاتن، ئه‌ز ب خوه دبێژم و دبینم ئه‌گه‌ر چیرۆك بهێته نڤێسین كارتێكرنێ ل مرۆڤی نه‌كه‌ت ڤێچا چ رۆندكا ژ چاڤێن مرۆڤی بینیت یان ژی بۆ ده‌مه‌كێ كورت مرۆڤ به‌س ل وێ چیرۆكێ بنێریت یاكو كارتێكرن ل مرۆڤی كری یان ژی هند كارتێكرنێ ل مرۆڤی بكه‌ت، مرۆڤ ب خوه ده‌ست نیشان بكه‌ت ڤێچا چ ب قه‌له‌م رساسی بیت یان ماجیكی بیت، چیرۆكێ ب خوه ژی ئه‌گه‌ر كارتێكرن ل ته كر تو چ جاران نه‌شیێ وێ چیرۆكێ ژبیربكه‌ی، دێ هه‌رده‌م ل بیرا ته بیت هه‌تا وی راده‌ی ده‌مێ تو تشته‌كی بكه‌ی یان گوهێی ببی و ئه‌و تشتێ ته دیتی یان گوه لێ بووی ته‌یا د چیرۆكه‌كێ دا خواندی و وێ چیرۆكێ كارتێكرن ل ته كربیت ئێكسه‌ر ئه‌و چیرۆك دێ هێته بیراته و بو ده‌مێ چه‌ند ده‌قه‌كان دێ دهزرێن وێ چیرۆكێ دا چیه خار.
ئه‌ز نزانم تا چ راده ئه‌ز ده‌ست خوه‌شیی ل مامۆستا ( ئیسماعیل هاجانی ) بكه‌م ب تنێ دێ بێژم هیڤیه به‌رده‌وام بی و نه‌خشه ل كۆمه‌لا ده‌هێ و ب وه‌راره‌كا باشتر.
من باوه‌ره هه‌ر كه‌سێ ڤێ په‌رتووكێ بخوینیت ژ خواندنا وێ په‌شیمان نابیت، هه‌م دی مفای ژی وه‌رگریت و هه‌م ژی دی هنده‌ك چیرۆكان خوینیت كو دراستی دا رووداینه و ئه‌ز ب خوه ئیك ژ خوانده‌ڤانێ تایبه‌تێ چیرۆكا مه، نه‌خاسمه ئه‌و چیرۆكا ئه‌ز دخوینم ڤێچا دراستی دا رویدابیت سه‌رنجا گه‌له‌ك من ب خوه رادكێشن.
ب تنێ تیبینی: نڤێسینا ڤێ په‌رتووكی ب ( سێمێل )یانی هاتیه نڤێسین ، هنده‌ك كه‌لیما ئه‌ز لێ دراوستیام ژبه‌ركو ئه‌ز دروست تێنه‌دگه‌هشتم من دوباره و ب هویری دخوانده‌ڤه، ژبه‌ركو من نه‌دڤیا ل چ جهان ب راوستم ئانكو ( كه‌لیمه‌ك من ب راوستینیت ژ خاندنێ ) ژبه‌رهندێ من ئه‌ڤ تێبینیه گۆت، لێ هه‌ر چه‌وابیت ئه‌ڤه نابیته ئه‌گه‌ره‌ك كو مرۆڤی پاشڤه‌ببه‌ت ژ خواندنا ڤێ په‌رتووكێ .
