كاركرنا كچان دبۆارێ راگه‌هاندنێ دا یا ب زه‌حمه‌ته
دهۆك، نه‌وزاد هلۆری:
مه‌دیاكار (عه‌دله به‌كر) كو ژ قه‌زا شنگارێ یه، د دیداره‌كێ دا بۆ رۆژناما ئه‌ڤرۆ گۆت: كاركرن دبۆارێ راگه‌هاندنێ دا حه‌زا من یا به‌ری چه‌ندین سالان و بۆ جارا ئێكێ من ل ده‌زگه‌هێ ئێزدی میدیا كاركر، دووڤدا ل هنده‌ك ده‌زگه‌هێن دی من كاریه و ئه‌ز دبینم كاركرنا كچان دبۆارێ راگه‌هاندنێ دا هه‌تا راده‌كی یا ب زه‌حمه‌ته، چنكو هنده‌ك ئاسته‌نگ ماینه و ده‌مێ من ده‌ستپێكری هنده‌ك دگۆتنه من ئه‌ڤ كاره بۆته نه‌یێ گونجایه، لێ من گوه نه‌دا وان و هه‌تا نوكه یا به‌رده‌وامم.
ناڤهاتی، كو ژدایكبوویا سالا 1994یه، ئاكنجیا قه‌زا شنگارێ یه و ده‌رچوویا پشكا رۆژنامه‌ڤانی یه، ل دووماهیێ گۆت: وه‌كو كچه‌ك د پلانا من دایه زێده‌تر خوه دناڤ راگه‌هاندنێ دا پێ بگه‌هینم، په‌یا من ژی بۆ هه‌موو كچان ئه‌وه ده‌ستان ژ خه‌ون و ئارمانجێن خوه به‌رنه‌ده‌ن هه‌تا هوون دگه‌هنێ.
