كاركرن د راگەهاندنێ دا ئێك ژ هیڤیێن من یێن زارۆكینیێ بوو
سندس سالح سلێڤانەیی:
پەریسا عومەر، پێشكێشكار ل كەنالێ (وار) تیڤی، د دیدارەكێ دا بۆ رۆژنامەیا ئەڤرۆ گۆت: كاركرن د بۆارێ راگەهاندنێ دا ئێك ژ هیڤیێن من یێن زارۆكینیێ بوو، ئانكو من دڤیا رۆژەك بهێت ل بەرامبەر كامیرێ براوەستم و گرنژینێ بێخمە سەر دەڤێ خەلكەكی، چنكو ب درێژاهیا دیرۆكێ مە كوردان گەلەك زەحمەت و ماندیبوون دیتینە.
هەروەسا گۆت: دەمێ ئەز قوتابی من ئاهەنگ و چالاكیێن قوتابخانێ ب رێڤەدبرن، ئانكو دەستپێكا من بڤی ڕەنگی بوو، ل گەل مەزنبوونا من ئەڤ هیڤیە ژی ل گەل من مەزن بوون، ل گەل راگەهاندنێ من هندەك كارێن دی ژی ب رێڤەدبرن، وەكو ڤەكرنا دكانەكا بچووك و پەرتووكخانەیەكێ و درینگەهەكێ و خوارنگەهەكێ، من باوەری ب خۆ و شیانێن خۆ هەبوون، لەورا هاتمە مەیدانێ و من كاركر، پاشان دەلیڤە چێبوو كو ئەز بهێمە كەنالێ وار وەك پێشكێشكار كاربكەم، من ژ پێشكێشكرنا بەرنامەیێن زیندی دەستپێكر، پاشی پەیامنێریێ، نوكە بەرنامەیێ (پەیڤ و پەری) كو گرێدای زمانێ كوردی یە، كو گرێدای رەسەنایەتی و كلتۆرێ مەیە پێشكێش دكەم، بۆ هەیڤا رەمەزانێ ژی دێ بەرنامە یێ بەردەوام بیت، لێ دێ دەركەفتنێن مە ب شەڤێ بن، ژیان ژ شەڤ و رۆژەكان پێك دهێت، ب رۆژێ رۆناهی یە و ب شەڤ ژی تاری یە، لێ دڤێت ب هەردوكان ڕازی ببین.
