كارڤاخال: بوویه‌را هێرمۆسۆ د به‌رژوه‌ندیا مه دا بوو
ئه‌ڤرۆ،
یاریزانێ ئسپانی و یانا ئسپانی دانی كارڤاخال كه‌یفخووشیا خوه دیاركر پشتی شیایی سه‌ركه‌فتنێ ل سه‌ر هه‌ڤڕكا خوه یا دێربیێ مه‌درید ئه‌تله‌تیكۆ مه‌درید دا بینن ب دو گۆلا به‌رامبه‌ر گۆله‌كێ د یاریا واندا ئه‌وا ل شه‌ڤا ئێكشه‌مبیا بوری ل یاریگه‌ها ئه‌تله‌تیكۆ ژ چارچووڤێ گه‌ڕا شه‌شێ و سه‌رێ لیستێ ب 18 خالان پاراستی ژ خولا پلا ئێكا ئسپانیا دا.
كارڤاخال بۆ رۆژناما ماركا گۆت: كه‌یفخووشین گه‌هشتینه ئارمانجا خوه سه‌رباری ئاست و هێزا یاریێ و ئاسته‌نگێن كه‌فتینه د ڕێكا مه دا، لێ بوویه‌را یاریزانێ ئه‌تله‌تیكۆ مه‌درید ماریۆ هێرمۆسۆ د به‌رژوه‌ندیا مه دا بوو ژبه‌ركو ئه‌و گڤاشتنا هه‌ڤڕكا مه دژی گۆلا مه‌كری سڤككر و گوهۆڕین ئێخستی ده‌ست ژ پلانا هێرشبه‌ریێ به‌ردان، ریال نا كه‌ڤیت و دێ به‌رده‌وام سه‌ركه‌فتنا تۆماركه‌ت.
