كارگهههكا بهرههمئینانا ئاڤكا باجانسۆركان و مورهبا فێقی ل دهۆكێ دێ هێته ڤهكرن
ئهڤرۆ:
د. عهلی تهتهر، پارێزگارێ دهۆكێ و فههیم عهبدوللا، سهرۆكێ جڤاتا پارێزگههێ و خهلیل مهحمود، دهڤهردارێ سێمێلێ سهرا كارگهها (چهم) یا بهرههمئینانا ئاڤكا باجانسۆركان و مورهبا فێقی و تری و سێڤان ل گوندێ گرێ گهورێ ل دهڤهرداریا سێمێلێ دا و ژ لایێ خودانێن كارگههێ ڤه پێشوازی لێ هاته كرن.
پارێزگارێ دهۆكێ گهریانهك د ناڤ كارگههێ دا كر و ژ نێزیك سهحكره بهرههڤیا كارگههێ بۆ بهرههمئینانا ئاڤكا باجانسۆركان و ههموو جۆرێن مورهبایێ و دهستخوشی ل خودانێن كارگههێ كر و پشتهڤانیا پارێزگههێ بۆ چارهسهركرنا ئاریشێن كارگههێ نهخاسمه دابینكرنا ئاڤێ و چێكرنا رێكێ دیار كر.
ههژی گۆتنێ یه، د قووناغا ئێكێ یا كاركرنێ دا كارگههێ شیان ههنه 100 تهنێن باجانسۆركان وهربگریت، ههروهسا رۆژانه تری و سێڤ و فێقیێ تایبهت ب چێكرنا مورهبایێ ڤه وهربگریت، كارگهه ل سهر رووبهرێ 25 دۆنهمێن ئهردی و ب گوژمێ پێنج ملیۆن دۆلاران هاتیه ئاڤاكرن و پتر ژ 150 كارمهند دێ لێ كاركهن و ب سهدان جۆتیارێن دهڤهرێ دێ مفای ژێ وهرگرن و بڕیاره ل ڤان نێزیكان بكهڤیته د خزمهتا جۆتیارێن دهڤهرێ دا.
