كارگه‌هه‌كا غازێ هاته سزادان
ئه‌ڤرۆ نیوز، عه‌لی حاجی :
لژنا دیفچوون یا سه‌ر ب قایممقامیا زاخۆ ب هه‌ماهه‌نگی دگه‌ل هوبا ئابوری یا ئاسایشا زاخۆ ژبه‌ر نه‌دادپه‌روه‌ریا كارگه‌هه‌كا غازێ د به‌لاڤ كرنێ دا كارگه‌هه‌كا غازێ ل زاخۆ بۆ ده‌مه‌كێ نه‌دیار دائێخستن .
وه‌لات هه‌جه‌ر نوونه‌رێ قاممقامێ زاخۆ د لژنا دیفچوونا دا بۆ ئه‌ڤرۆ نیوز گوت: (ئه‌ڤرۆ روژا دو شه‌مبێ د به‌رده‌وامیا كاری دا ب هه‌ڤگاری دگه‌ل هوبا ئابوری ل ئاسایشا زاخۆ كارگه‌هه‌كا غازێ بۆ ده‌مه‌كێ نه‌دیار ژلایێ مه‌ڤه هاته دائێخستن ژبه‌ر كو وێ كومپانیێ ب شێوه‌یه‌كێ نه دادپه‌روه‌رانه غاز ل سه‌ر برێكاران به‌لاڤ كر بوو و هه‌ر دیسان غاز ل سه‌ر برێكارێن نه‌دستویر دایی ژی به‌لاڤ كر بوو ئه‌ڤه ژی دچیته د چارچووڤێ كارێ نه‌یاسایی و به‌روڤاژی رێنمایان دا) .
و گوت ژی ب رێیا نڤێساره‌كێ مه داخاز ژ رێڤه‌به‌ریا نه‌فتێ و كانزایێ ل پارێزگه‌هێ دهوكێ كری یه ئێدی غازێ ب وێ كارگه‌هێ نه‌ده‌ن و هه‌ر دیسان پێرابونێن یاسایی د ده‌رحه‌قێ وێ كومپانیێ دا بهێنه وه‌رگرتن و پشتی كارگه‌ه هاتیه دائێخستن و ماوێ سزادانا وێ دێ ل گوره‌یی رێڤه‌به‌ریا نه‌فتێ كانزایێ بیت ل پارێزگه‌ها دهوكێ.