كارگەهەك بۆ ڤەگەڕاندنا بەرمایكێن پلاستیكێ مالان دێ هێتە دانان
ماجد سەید سالح، جێگرێ پارێزگارێ دهۆكێ دوهی 11/5/2025 پێشوازی ل خانم رەوشەن ئەترووشی، ڕێڤەبەرا رێكخراوا VNG یا نێڤدەولەتی یا هۆلەندی و شاندێ د گەل دا كر و د ڕوونشتنەكێ دا بەحسێ كاروبارێن ئیدارا پارێزگەهێ و رێكخراوا ناڤبری و هەمەهەنگیا وان د هەمی بیاڤان دا هاتە كرن.
بۆ زانین، د پلاندایە رێكخراوا VNG ب هەڤكاری و رازیبوونا لایەنێن پەیوەندیدار كار ل سەر دانانا كارگەهەكا بچووك و ل دژی پیسكرنا ژینگەهێ بۆ ڤەگەڕاندنا بەرمایكێن پلاستیكی یێن د ناڤمالان دا بكەت.
جێگرێ پارێزگارێ دهۆكێ دەستخوشی ل رێكخراوا نافهاتی كر و گۆت: «حكومەتا هەرێما كوردستانێ پشتگیریێ ل پێشڤەچوونا هەمی كەرتێن خزمەتگوزاری یێن گشتی و تایبەت دكەت، د هەمان دەم دا پاراستنا ژینگەهێ ل پێشیا هەر كارەكی یە، لەو ئەم دخوازین رێكخراوا ناڤبری ل گەل باژێرڤانیێ و ژینگەهێ و لایەنێن پەیوەندیدار ل سەر ڤی پڕۆژەی دانوستاندنان بكەت».
