كاریكاتۆر دشێت هه‌موو قالب و سنۆران بشكێنیت
هه‌له‌بجه، عه‌زیز هه‌ورامی:
كاریكاتۆرڤان (به‌كر عه‌بولره‌حمان) د دیداره‌كێ دا بۆ رۆژناما ئه‌ڤرۆ گۆت: یا ئاشكرایه كو ل هه‌موو جیهانێ گرنگیه‌كا تایبه‌ت ب هونه‌رێ كاریكاتۆری دهێته دان، راسته كاریكاتۆر چقه‌كه ژ هونه‌رێ شێوه‌كارێ، به‌لێ ڤێ چڤێ گرنیه‌كا ئێكجار مه‌زن هه‌یه، چنكو كاریكاتۆر دشێت هه‌موو قالب و سنۆران بشكێنیت، ژ به‌ر هندێ گرنگه ل هه‌موو وه‌لاتان چاڤدان بۆ ڤی جۆرێ هونه‌ری هه‌بیت.
زێده‌تر گۆت: هونه‌رمه‌ند دشێن ب رێیا چێكرنا كاریكاتۆران هه‌ر په‌یامه‌كا هه‌بیت بگه‌هینه جهێن شوله‌ژێ، بۆ زانین ل 2006 من ده‌ست ب چێكرنا كاریكاتۆران كری یه و هه‌تا نوكه دوازده پێشانگه‌هێن تایبه‌ت ڤه‌كری نه، و گه‌له‌ك ب كێمی كه‌ڤالێن من هاتینه فرۆتن، چنكو هه‌تا نوكه ل وه‌لاتێ مه هاتن و سه‌ره‌دانێن خه‌لكی بۆ پێشانگه‌هان نه‌بوویه نه‌ریته‌ك ژبه‌ر هندێ كێم جاران كه‌ڤال دهێنه فرۆتن و دووماهی كارێ من ڤه‌كرنا پێشانگه‌هه‌كا كاریكاتۆری بوو كو ئه‌ز دشێم بێژم وێنه هه‌موو وه‌كو رۆمانه‌كێ تمامكه‌رێن ئێك بوون، و من په‌یامه‌ك پێ هه‌بوو ئه‌وژی بۆ عه‌مه‌رێ خاوه‌ر و نه‌ڤیێن وی بوو.
