كاری ل سه‌ر هژماره‌كا سترانێن فۆلكلۆری دكه‌ت
ئاكرێ، ره‌مه‌زان زه‌كه‌ریا:
سترانبێژ محه‌مه‌د زۆره‌گڤانی، د دیداره‌كێ دا بۆ رۆژناما ئه‌ڤرۆ گۆت: هه‌موو سترانبێژ حه‌ز دكه‌ن به‌رده‌وام ستران و ئه‌لبۆمێن نوو به‌لاڤكه‌ن، به‌لێ مه‌زاختنا به‌رهه‌مان گه‌له‌كه و دشیانێن وان دا نینه له‌ورا چێكرنا به‌رهه‌مان وه‌ك سیدی گه‌له‌ك كێمبوویه، و بۆ چێكرنا هه‌ر به‌رهه‌مه‌كی پێدڤی ب سپۆنسه‌ران هه‌یه .
ناڤهاتی گۆت: ئه‌ڤه ده‌مه‌كه كاری ل سه‌ر هژماره‌كا سترانێن فۆلكلۆری دكه‌م كو یێن ده‌ڤه‌را عه‌فرینێ نه، كو ژلایێ رێناس كۆرداخ هاتینه به‌رهه‌ڤكرن و تۆماركرن، د هه‌مان ده‌مدا من پێخۆش بوو سترانه‌كێ ژ گه‌نجینا هونه‌رمه‌ندێ مه‌زن ئارام تیگران تۆماربكه‌م وه‌ك وه‌فایه‌ك، ل گه‌ل سترانه‌كا هونه‌رمه‌ندێ وه‌غه‌ركری هونه‌رمه‌ند سه‌عید گاباری، هه‌روه‌سا من ل به‌ره سالانه چه‌ندین سترانێن خوه نوو كه‌مه‌ڤه، ل گه‌ل چه‌ندین سترانێن هونه‌رمه‌ندێن وه‌غه‌ركری ب ده‌نگێ خوه تۆمار بكه‌م، چنكو ئه‌ركێ مه‌یه ئه‌م خزمه‌تا وان و به‌رهه‌مێن وان یێن نه‌مر بكه‌ین.
