كارێ ئەكتەریێ ل دهۆكێ بۆ كچان یێ ب ساناهی نینە
سندس سالح سلێڤانەیی:
شانۆكار(شیرین ئەیوب عومەر) كو نوكە قوتابیە ل پەیمانگەها هونەرێن جوان ل دهۆكێ، د دیدارەكێ دا بۆ رۆژناما ئەڤرۆ گۆت: بەری چەندین سالان من حەزدكر ببەمە ئەكتەر و پشكداریێ د شانۆگەریا دا بكەم، لێ بەری شەش سالان من دەستپێكر و هەتا نوكە من پشكداری د هژمارەكا شانۆگەریان دا كریە، ژوانا (زەلامەكێ ریس زەلامەكێ ب قات، كولاڤ، كی دێ دەركەڤیت، تاتانیا، دادگەها شاهمەرانی، پەیك) و نوكە ژی پرۆڤەیان ل سەر شانۆگەریەكێ دكەین ب ناڤێ (بارانا درەوان) كو ل بەرە ل نێزیك بهێتە نیشادان و رۆلێ ژ هەموویان ب زەحەمەتر من گێڕای رۆلەكێ كەسەكا (كەڕ) بوو كو ئەز گەلەك پێڤە ماندی بووم هەتا من خوە ل گەل گونجاندی.
هەروەسا گۆت: هەتا نوكە من پشكداری د چو فلمان دا نەكریە و بتنێ پشكداریا من د شانۆگەریان دا بوویە و هەر رۆلەكێ دەرهێنەر د دەتە من ئەز (دەقی) باش دخوینم و دووفچوونا وێ كەسایەتیێ دكەم یا ب من هاتیە دان، لەورا هەردەم ئەز دبێژم ل كارێ ئەكتەریێ ل دهۆكێ بۆ كچان یێ ب ساناهی نینە، چنكو دڤێت شارەزای و شیان هەبن، هەروەسا خێزان یا دگەل هاریكار بیت، بۆ زانین من پشكداری د هژمارەكا فەستیڤالان ژی دا كریە، ژوانا ل وەلاتێ توركیا و ئیرانێ.
