كارێ ئەڤرۆ بۆ سوباهی بهێلە
خالد عەلی:
هونەرمەند (سەلام یوسف) د دیدارەكێ دا بۆ رۆژناما ئەڤرۆ دیاركر كو پشتی ڤەقەتیانەكا درێژ نوكە ئەو مژوولی تۆماركرنا ئەلبۆمەكا سترانایە و دێ ل دەمەكێ نێزیك پێشكێشی جەماوەرێ خوە كەت، ناڤهاتی گۆت: گەلەك حەزژێكەرێن سترانێن من پرسیارا گیرۆبوونا ئەلبۆما من دكەن و ئەز دبێژم دژیانێ دا گرنگە كارێ ئەڤرۆ بۆ سوباهی نەهێلی، لێ د جیهانا هونەری دا دڤێت بەروڤاژی بیت، ئەو ژی ژبەركو لەزاتی د كارێن داهێنانێ دا ب گشتی و تۆماركرنا سترانێ ب تایبەتی نەباشە، بەلكو پێدڤییە هونەرمەند ب بێهنا فرەه خوە ژ سترانا خوە پشتراست بكەت چ ژ ئالیێ هوزانێ یان ئاوازێ یان تۆمار و دابەشكرنا میۆزیكێ ڤە.
سەلامی گۆت: ئەلبۆما وی یا نوو ژ هوزانێن (عیسا عەبدوللا، خالد عەلی سلێڤانەیی، وەلید یوسف، سەلام یوسف) هەروەسا ژ ئاوازێن (عیسا عەبدوللا، سەلام یوسف، كەریم حەیدەر و وەلید یوسف) هەژی گۆتنێ یە هونەرمەند سەلام یوسف ژ سالا 1985 وەرە سترانا دبێژت و 13 ئەلبۆم تۆماركرینە، دووماهی ئەلبۆما وی ل سالا 2011 دەركەفت بوو.
