كارێ خوه ب حه‌ز و ڤیان دكه‌ت
زاخۆ، عه‌لی حاجی:
خانما ده‌ستره‌نگین (چراخان محه‌مه‌د) كو خه‌لكا قه‌زا رانیا یه، د دیداره‌كێ ب بۆ رۆژناما ئه‌ڤرۆ دیاركر كو ئه‌و خۆشیه‌كا تایبه‌ت ژ چێكرنا كه‌ڤالێن ئه‌ته‌مێن دبینیت، له‌ورا دێ یا به‌رده‌وام بیت و ب گۆتنا وێ هه‌ر كه‌ڤاله‌كێ ئه‌و چێدكه‌ت ب مۆلكێ خوه دزانیت نه‌یێ خه‌لكه‌كی.
ناڤهاتی، كو نوكه قوتابیه ل پشكا یاسایێ یه، گۆت: ئه‌ڤه دو سالن ل گه‌ل خواندنا خوه من ده‌ست ب چێكرنا ئه‌ته‌مێن كو هونه‌ره‌كێ تایبه‌ته كریه و ب رێیا ده‌رزیێ و كولانێ ل سه‌ر خامی كه‌ڤالان چێدكه‌م، پشتی من ده‌ست ب ڤی كاری كری پێشوزایه‌كا گه‌رم ل كارێ من هاتیه ژلایێ خه‌لكی ڤه و ئه‌ڤ چه‌نده بۆ جهێ دلخۆشیا من، ژبه‌ركو ئه‌و پشته‌ڤانیه دێ بیته رێیه‌ك بشێم هزر د پرۆژه‌یه‌كێ مه‌زنتر دا بكه‌م و ئه‌و كه‌ڤالێن چێدكه‌م دكه‌م پرانیا وان ژ هزرێن منن و بزاڤێ دكه‌م ئه‌و كه‌ڤال وه‌كو بیرهاتنێن خۆش ل ده‌ف خه‌لكی بمینن، بۆ زانین نه بتنێ ل رانیه به‌لكو ل پرانیا باژێران داخوازی ل سه‌ر كارێن من هه‌نه و ب هه‌موو حه‌ز و ڤیان ڤه كارێ خوه دكه‌م ژبه‌ر كو ئه‌و چه‌نده دێ وه‌كه‌ت كو پتر سه‌رنجا خه‌لكی بۆ كارێ خوه رابكێشم و هه‌ر كه‌ڤاله‌كێ ئه‌ز چێدكه‌م هه‌ست پێ دكه‌م دێ بیته مولكێ من، نه یێ خه‌لكه‌كی.
