كارێ خوه ب حه‌ز و ڤیان هه‌لبژارتیه
هه‌ولێر، دلڤین ره‌شید:
رۆژنامه‌ڤان (هه‌نگاو محه‌مه‌د) كو ژ باژێری رانیایه، د دیداره‌كێ دا بۆ روژناما ئه‌ڤرۆ دیاركر كو ل سالا 2011 ئه‌و هاتیه دناڤ بۆارێ راگه‌هاندنێ دا و هه‌تا نوكه ل چه‌ندین ده‌زگه‌هان كاركریه.
هه‌نگاوی گۆت: ب حه‌ز و ڤیان من ئه‌ڤ كاره هه‌لبژارتیه و هه‌رده‌م بزاڤ كرینه داهێنانێ بكه‌م، و گه‌له‌كا گرنگه دقوناغا نوكه دا ده‌زگه‌هێن مه یێن راگه‌هاندنێ گرنگیه‌كا مه‌زنتر بده‌نه بۆاری ئاشتی و پێكڤه‌ژیانێ، چنكو دوژمنیێن گه‌لێ كورد هه‌رده‌م بزاڤكرینه ڤێ ئاشتی و پێكه‌ڤه‌ژیانی ل هه‌رێما كوردستانێ ژناڤ ببه‌ن، به‌لێ د ئه‌ڤرۆ دا راگه‌هاندن دشێت رۆله‌كی مه‌زن دڤێ چه‌ندێ دا ب بینتـ، ،نه‌خاسمه راگه‌هاندنا مه یا كوردی، جونكی مه ده‌زگه‌هێن باش هه‌نه و تا راده‌یه‌كی رۆلی خوه لسه‌رانسه‌ری جیهانێ دیتینه، ئه‌و دشێن ببنه ئاڤاكه‌رێن ئاشتی و ئێمناهی و پێكه‌ڤه ژیانێ و داخوازی ژ هه‌ر رۆژنامه‌ڤانه‌كی دكه‌م ب باشی كاربكه‌ن و به‌رپرسیاره‌تیا ئێمناهی و نشتیمانی دستویێ خوه بگرن و بشێن ب یاسایی كار بكه‌ن و هه‌ستێ هاوه‌لاتیان و نه‌ته‌وێن جودا به‌رچاڤ وه‌ربگرن وه‌ك ئه‌ركه‌كی نشتیمانی ب ئه‌خلاقیانه كارێ خوه ئه‌نجام بده‌ن.
