كارێ خوەبەخشیێ بۆ من بوو دەرگەهەك كو خوە پێشبئێخم
هیڤی كەریم:
شێوەكار (شیلان سالح حسێن) كو دەرچۆیا پشكا شێوەكاری یە ل پەیمانگەها هونەرێن جوان ل دهۆكێ، د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزژ كارێ شێوەكاری و چێكرنا كەڤالان دكر، لەورا ئەز چوومە پەیمانگەهێ و ئەڤە پێنج سالن ل ناڤەندا وەرزش و لاوان سەر ب رێڤەبەریا لاوان ڤە ب شێوێ خۆبەخش كاردكەم و كارێ خوەبەخشیێ بۆ من بۆ دەرگەهەك كو خوە پێشبێخم، هەروەسا شیانێن خوە پتر دیاربكەم.
هەروەسا گۆت: راستە خوە بەخشیێ چو داهات بۆ من پێڤە ناهێت، بەلێ خوەبەخشیێ نیشا مندا خزمەتێ بێ بەرامبەر پێشكێشی هەر كەسەكی بكەم، بۆ زانین ئەز ئەندامم دگەل تیپا هونەرێ مۆزیكێ یا سەر ب رێڤەبەریا لاوان ڤە و من پشكداری د هژمارەكا چالاكیان دا كریە، هەروەسا خۆلێن فێركرنێ یێن گرێدای هونەرێ شێوەكاری بێ بەرامبەر ڤەكرینە، هەروەسا ل فلمە فەستیڤالا دهۆكێ یا نێڤ دەولەتی پشكداربوویمە و سوپاسیا مالا خوە، هەروەسا بەرێز (هەكار محەمەد ئەمین) رێڤەبەرێ رێڤەبەریا لاوان دكەم كو بەردەوام پشتەڤانیا من دكەت.
