كارێ خوە بێبها نەكەن
هەرهین محەمەد:
شێوەكار (ئەمیر محەمەد سەبری) د دیدارەكێ دا بۆ ئەڤرۆ دیاركر كو ئەگەرێ سەرەكی یێ نە بەرنیاس بوونا شێوەكاران ئەوە بهای نادەنە كەڤالان كو خەلك بكڕیت، لەورا هەردەم رەخنا من بۆ وان ئەوە كو كارێ خوە بێ بها نەكەن و دڤێت هونەرمەند بهای بدەتە كارێ خوە دایێ بها بیت، بۆ نموونە هەكە من كەڤالەك چێكر و بهایەكێ كێم دانا د بازاڕی دا ل وی دەمی ئەز یێ كارێ خوە بێ بها دكەم ، لەورا ب رێژەیەكا كێم ژ هونەرمەندان هەیە داهێنان د شێوەكاریێ دا كربیت و و بتنێ هونەرمەند دەمێ خوە دەتە وێ چەندێ كا چ كار بكەت دا كو ژیانا خوە پێ دەرباز بكەت و هەكە ژیارا وی یا موكوم بیت و داهاتەكێ باش هەبیت.
ئەمیری گۆت: ل سالا 1995 من دەست ب كارێ راگەهاندنێ كریە ل وی دەمی رۆژنامەیەك هەبوو ل هەولێرێ دەرچوو ب ناڤێ (مەلا مەشهور) رۆژنامەكا كاریكاتۆر یا رەخنەیی بوو و بۆ دەمێ چەندین سالا من ل وێرێ كاركر و پاشان من ل چەندین جهێن دی كاركر وەكو پێكێشكرنا بەرنامەیان و پەیامنێری ل رۆژنامەیان و دەرهێنان و وێنەگری ل كەنالان و دیزاین بۆ گەلەك گەلەك گۆڤارو پەرتووكان كریە و هەتا نوكە ژی یێ بەردەوامم ل كەنالەكی وەكو دەرهێنەر و ل گۆڤارەكێ وەكو دیزاینەر و كارێ راگەهاندنێ و شێوەكاری هەردو بۆ من دخۆشن.
