كارێ من ئەز گەلەك نێزیكی خەلكی كریمە
دلڤین رەشید:
وێنەگر (دلاوەر پەهلەوی) د دیدارەكێ دا بۆ رۆژناما ئەڤرۆ دیاركر، كو ئەو خەلكێ رۆژئاڤایێ كوردستانێ یە ژ باژێرێ قامشلۆ، ژ سالا 2014 وەرە وەك پەنابەر ل هەرێما كوردستانێ دژیت و نێزیكی پازدە سالانە وەك قۆتۆگرافەر كاردكەت.
ناڤهاتی گۆت: پشتی ئەز هاتیمە هەرێما كوردستانێ هەر من بەردەوامی دا كارێ خوە یێ فۆتۆگراڤەری و ئەڤ حەفت سالن ئەز بەرپرسێ راگەهاندنێ مە ل ریكخراوا بارزانی/ئۆفیسا دهۆك، ئەڤان هەردو كاران ئەز گەلەك نێزیكی خەلكێ كریمە ژ بۆ هندی ژ نێزیكی چیرۆك و رەوشا وان بزانم و ب رێكا فۆتۆیان دەنگی وان بگەهینمە جهێن پەیوەندیدار، راستە راگەهاندنا كوردی هەتا ئاستەكی باش رۆلێ خوە دیتیتە، بەلێ ئەم دخوازین رۆژنامەڤانێن مە هێشتا خوە ماندی بكەن و ڤێ راگەهاندنێ بەر ئاستێ پرۆفیشینال ببەن، چنكو مە رۆژنامەڤانێن خودان شیان هەنە، بەلێ دڤێت پشتەڤانیا وان هەبیت هەتا كو بشێن ڤی كاری ئەنجام بدەن و بەردەوام بن.
