كارێ من چەند یێ ب زەحمەت بیت ئەز خۆشیێ ژێ دبینم
نژیار ئیسماعیل عەلی، بەرنیاس ب (نژیار بەرواری) پەیامنێرێ گۆڤارا سڤۆرە ل دهۆكێ، د دیدارەكێ دا بۆ رۆژناما ئەڤرۆ گۆت: ل دەستپێكێ ئەز وێنەگربووم، نوكە پەیامنێرم و ژبەركو من گەلەك حەزژ زارۆیان دكر، لەورا بوومە پەیامنێرێ گۆڤارا سڤۆرە یا زارۆیان و كارێ من چەند یێ ب زەحمەت بیت ئەز خۆشیێ ژێ دبینم، چنكو ئەز دزانم یێ كارەكی بۆ هندەك كەسان دكەین وەك پەلاتینكان دبێ گونەهن، ئەو ژی زارۆیێن مەنە كو هەردەم داخوازا ژیەكێ درێژ و ساخلەمیەكا باش بۆ وان هەموویان دكەم.
هەروەسا گۆت: ل سالێن بۆری من گەلەك دیدار دگەل زارۆیان كرینە و ئەز گەلەك كەیفخۆش دبم كو هەستێ نەتەوایەتی ل دەف وان هەموویان یێ بلندە، چنكو هەموو دەمێ بەحس هیڤی و ئۆمێدین خوە دكەن دبێژن (هیڤیا مە ئەوە ئەم ببینە دەولەت و ئالایێ كوردستانێ ل هەموو وەلاتێن جیهانێ و ناڤەندێن نێڤدەولەتی بلند بكەین و سوپاس بۆ رۆژناما ئەڤرۆ كو ل دەمێ دەستپێكا هاتنا من بۆ ناڤ وارێ راگەهاندنێ بۆ دەمێ چەند سالان ئەز كامەندێ وان بووم و هەڤالێن رۆژنامێ بوونە رێخۆشكەركو ئەڤرۆ ئەز ژی خوە دناڤ واندا ببینم و دووماهی داخوازا من ژ جهێن شۆلەژێ ئەوە پتر گرنگیێ ب كەنالێن راگەهاندنێ یێن زارۆیان بدەن، ب تایبەت ژی تەلەفزیۆن و گۆڤاران، چنكو ئەم هەموو دزانین مە كەنالێن تەلەفزیۆنی یێن تایبەت ب زارۆیان ڤە لێ ژبەر نەبوونا پشتەڤانیێ هاتنە داخستن.
