كارێ من یێ ب زەحمەتە
بێوار حەمدی:
دلشاد غانم، ماموستایێ وانەیا هونەری، هەروەسا كارێ چاپكرنێ و دیزاینێ ژی دكەت، د دیدارەكێ دا بۆ رۆژنامەیا ئەڤرۆ دبێژیت: ژبەركو ئەز گەلەك حەزژ كارێن هونەری دكەم من چاپكرن هەلبژارتـ، هەر چەندە كارەكێ ب زەحمەتە ژی، بەلێ چو تشت بۆ من نەبوونە ئاستەنگ چنكو من حەز بۆ هەبوو و دێ یێ بەردەوامبم.
هەروەسا گۆت: بەری نوكە باشنڤیسان پتر رۆلێ خۆ د چاپێ دا هەبوو، لێ پشتی دەركەفتنا ئامیرەیێن پێشكەفتی، وەكو كوپیۆتەری و ئامیرەیێن چاپكرنێ كار ب ساناهیتر لێ هاتیە و رۆژ بۆ رۆژێ جیهان یا بەر ب پێشكەفتنێ دچیت و بەردەوام ئامیرەیێن نووتر یێن دەردكەڤن و ئەڤ ئامیرەیێ چاپا ل سەر دیواری ژی تشتەكێ نوو و سەردەمانەیە، مە چاپا نۆرمال هەیە، ل گەل چاپا گەرمكرنێ بۆ جلكان و یا لیزەری و كاغەزی.
