كارێ مە نە یێ ب ساناهی یە
بێوارحەمدی:
یوسف ئدریس، بەرنیاس ب (یوسف بەرواری) د دیدارەكێ دا بۆ رۆژنامەیا ئەڤرۆ گۆت: نێزیكی دەهـ سالانە ئەز كارێ مۆنتاژی دكەم، هەر چەندە كارەكێ ب ساناهی نینە، بەلێ ئەز گەلەك حەزژێ دكەم و هندی من شیان هەبن دێ یێ بەردەوامبم.
هەروەسا گۆت: هەر كەسەكێ بڤێت د بۆارێ مۆنتاژكرنێ دا یێ سەركەفتی بیت دڤێت هزرا خوە باش بدەتە كاری و یێ بێهنفرەه بیت دا بشێت كارەكێ باش ئەنجام بدەت و گەلەك جاران سێ رۆژان ئەز مایمە ب مۆنتاژكرنێ ڤە هەتا شیام دەنگەكی یان مۆزیكەكێ مۆنتاژ بكەم، بۆ زانین هەتا نوكە من ل هژمارەكا كەنالێن راگەهاندنێ كارێ مۆنتاژكرنێ كریە، ژوانا ( رادیۆیا داسنیا و رادیۆیا دهۆك) و من ل بەرە ل پاشەرۆژێ بچمە دەزگەهێن باشتر و پتر كارێ خوە پێشڤە ببەم.
