كارێ وێنەگریێ ل كوردستانێ د ئاستەكێ پێشكەفتی دایە
زنار تۆڤی:
وێنەگر (مەحمود ئوسمان) كوخەلكێ گوندێ سەرنەوسە ل ناحیا وەرتێ ل قەزا رەواندۆز، د دیدارەكێ دا بۆ رۆژناما ئەڤرۆ گۆت: ل سالا 2018 من دەست ب كارێ وێنەگریێ كریە، سروشتێ جوانێ كوردستانێ وەكریە، كو ئەز كارێ وێنەگریێ بكەم و ب رێیا كامیرێ من ڤیایە دیمەنێن جوان یێن دەڤەرا خوە نیشا خەلكێ كوردستانێ و یێ جیهانێ بدەم و ب دیتنا من نوكە كارێ وێنەگریێ ل كوردستانێ د ئاستەكێ پێشكەفتی دایە، بەلێ مخابن وەكو پێدڤی گرنگی ب ڤی كاری ناهێتەدان
ناڤهاتی گۆت: هەتا نوكە من پتری 100 وێنەیان فرۆتینە، بەلێ ئەڤ چەندە نەبوویە ئەگەر كو ئەز دەبارا ژیانا خۆ پێ بكەم، چونكی د شەش سالان دا مرۆڤ 100 وێنەیان بفرۆشیت، نەشێت دەبارا ژیانا خوە پێ بكەت و خەلك داخوازێ ژ مە دكەن، كو وێنەیان ب فرۆشینێ، بەلێ وەكو پێدڤی نینە.
