كار بۆ دابینكرنا مافێن خوەدان پێدڤیێن تایبه‌ت دهێته کرن
ئه‌ڤرۆ نیوز، عه‌لی حاجی:
سه‌روكێ رێكخراوا نمونه یا خودان پێدڤیێن تایبه‌ت ل زاخۆ بۆ ئه‌ڤرۆ نیوز دیار كر دماوه‌یێ كێمتری هه‌یڤه‌كێ دا بۆ ئێكه‌م جار هه‌لمه‌ته‌ك هاته راگه‌هاندن ژبو رێزگرتن ل خودان پێدڤیێن تایبه‌ت و دێ كارنامه‌یه‌ك ژی بۆ حكومه‌تێ و په‌رله‌مانێ كوردستانێ هێته ره‌وانه كرن .
زێده‌تر نادر یوسڤ گوت: (دماوه‌یێ كێمتری هه‌یڤه‌كێ دا وه‌كو رێكخراوا نمونه دگه‌ل سه‌نته‌رێ ده‌نگ هه‌لمه‌ته‌ك بۆ رێزگرتن ل خودان پێدڤیێن تایبه‌ت راگه‌هاند كو د وێ هه‌لمه‌تێ دا چه‌ندین سمینار و په‌نه‌ل هاتنه ساز كرن و هه‌ر دیسان چه‌ندین دیاری ژی ل سه‌ر په‌ككه‌ڤتیان هاتنه به‌لاڤ كرن و زێده‌باری وێ چه‌ندێ ل دوماهیا ڤێ هه‌لمه‌تێ ژی دێ یاریه‌كا ته‌پاپێ یا هه‌ڤالینی دناڤبه‌را تیمه‌كا خودان پێدڤیێن تایبه‌ت و تیمه‌كا كورته بالایان و ب وێ چالاكیێ دێ دوماهیێ ب هه‌لمه‌تا خوه ئینین) .
و گوت ژی پشتی هه‌له‌تب دوماهی دهێت كارنامه‌یه‌ك كو ژ چه‌ند خاله‌كان پێك دهێت كو د وێ كارنامێ به‌حس ل وان كێم و كاسی و ئاریشه‌یێن خودان پێدڤیێن تایبه‌ت دكه‌ت بۆ حكومه‌تا هه‌رێما كوردستانێ و په‌رله‌مانێ كوردستانێ هێته بلند كرن دا كو ب رێیا وێ كارنامێ زێده‌تر كار بۆ دابینكرنا مافێن كێم ئه‌ندامان بهێته كرن.
