كار ل سەر هەژمارەكا جادەیێن نوو ل ئاكرێ دهێتە كرن
رەمەزان زەكەریا:
ل سنۆرێ باژێڕڤانیا ئاكرێ، هەژمارەكا جادەیێن ناڤخۆیی هاتنە ڤەكرن و كار ل سەر هەژمارەكا جادەیێن نوو ژی دهێتە كرن.
زێرەڤان تەمۆ، بەرپرسێ راگەهاندنا باژێرڤانیا ئاكرێ بۆ ئەڤرۆ گۆت: «ل سەر پێشینەیا مەهانە یا باژێرڤانیا ئاكرێ، دروستكرنا جادەیێن ناڤخۆیی بەردەوامی هەیە و نوكە ژی جادەیەكا نوو هاتە ڤەكرن و كار ل سەر هەژمارەكا دی یا جادەیان دهێتە كرن».
ناڤبری گۆتژی: «پڕۆژەیێ دروستكرنا جادەكێ ل تاخێ رۆناهی ل گەل قەنتەرەكێ ب دوماهی هات و هاتە ڤەكرن، دیسا نوكە كار ل سەر هەژمارەكا جادەیێن دی ژی دهێتە كرن و ب رەنگەكێ ئەندازەیی و رێكوپێك دهێنە كۆنكریتكرن».
