كار ل سەر پێشڤەبرنا كەرتێ پەروەردەیێ دێ كەم
دلڤین رەشید:
مامۆستا ژیان سەلاحەدین كۆچەر ل قەزا سێمێلی ژ خێزانەك كورد پەروەر هاتیە سەر دنیایێ، زانكۆیا دهۆك پشكا زمانێ كوردی ب دووماهی ئینایە ، ل سەر میلاكێ پەروەردا قەزا سێمێلی هاتیە دامەزراندن و هەتا نوكە ل سەركاری خۆ یێ پەروەردە و فێركرنێ یا بەردەوامە، نوكە ژی بەربژارا هەژمار 26 ل سەر لیستا 190یا پارتی دیموكراتی كوردستان بۆ پەلەمانێ كوردستانێ، ژ پرۆژەێ وێ یێ سەرەكی دێ كار ل سەر پتر پێشڤەبرنا كەرتێ پەروەردێ كەت.
مامۆستا ژیانێ بۆ رۆژناما ئەڤرۆ دیار كر، ئێك ژ كارێ سەرەكی یێ وێ و پشتی باوەریا خەلكی ب دەستڤە دئینیت ل پەرلەمانێ كوردستانێ دێ كار ل سەر كەرتێ پەروەردێ كەین بۆ وێ چەندێ گوهۆڕینێن باشتر بهێنە كرن هەروەسا دێ كار بۆ خۆشكرنا ژین و ژیارا مامۆستایان، چونكی ئەز بخۆ مامۆستامە، ئەڤە 22سالن خزمەتێ دكەین باش رەوش و ئازارێن مامۆستایان دگەهم دێ خەمەكا مەزن ژ تەخا مامۆستایان خۆین هەموو بزاڤان بۆ ئاڤاكرنا شوقەیێن مامۆستایان دێ كەم، هەر د وارێ پەروەردێ دا دێ خزمەتا قوتابی و مامۆستایێن خۆ كەین ب رێكا دەرئێخستنا یاسایێن تایبەت و گرێدایی ژیارا مامۆستایان، ل دووڤ شایانێن خۆ دێ هاریكاریا قوتابین هەژار و كێم دەرامەت كەم.
مامۆستا ژیان سەلاحەدین كۆچەر گۆت ژی: لیستا 190 لیستا سەرۆك بارزانی یە، لیستا شەهیدانە یا پێشمەرگێن قاهرەمانە، لیستا پاراستنا قەوارەیێ هەرێما كوردستانێ یە، لیستا پاراستنا پێكەڤەژیانێ یە، لەورا داخوازێ ژ جەماوەرێ خۆ دكەین ل رۆژا 20-10 بچنە سەر سندۆقێن دەنگدانێ و بی دو دلی دەنگێ خۆ بدەنە لیستا 190 یا پارتی دیموكراتی كوردستان.
