كازمێ داخۆیانیێن رۆژنامه‌ڤانی ژ فه‌رماندێن له‌شكری و ئه‌منی قه‌ده‌غه دكه‌ت
سه‌رۆك وه‌زیرێن ئیراقێ و فه‌رماندێ گشتیێ هێزێن چه‌كدار، مسته‌فا كازمی، ب فه‌رمانه‌كێ داخۆیانیێن رۆژنامه‌ڤانی ژ فه‌رمانده و به‌رپرسێن وه‌زاره‌تێن به‌رگری و ناڤخوه و ده‌زگه‌هێن ئه‌منی یێن دی قه‌ده‌غه دكه‌ت.
مسته‌فا كازمی فه‌رمانه‌ك ده‌ركر و ئاراسته‌ی هه‌ر ئێك ژ فه‌رمانده‌یا ئۆپه‌راسیۆنێن هه‌ڤپشك، ئه‌مینداریا نهێنی یا گشتی ل وه‌زاره‌تا به‌رگری، نڤیسینگه‌ها وه‌زیرێ ناڤخوه، ده‌زگه‌هێ هه‌والگیری نیشتمانی یا ئیراقی، ده‌زگه‌هێ ئاسایشا نیشتمانی یا ئیراقی، ده‌سته‌یا حه‌شدا شه‌عبی و فه‌رمانده‌یا ئۆپه‌راسیۆنێن به‌غدا كر و تێدا ده‌ركرنا وێ فه‌رمانێ بۆ وێ چه‌ندێ زڤراند كو به‌رژه‌وه‌ندیا گشتی وێ دخوازیت و ژ پێخه‌مه‌ت ئاسانكاریێ د كارێ ئه‌منی و ده‌زگه‌هێن له‌شكری و ئه‌منی دا و ئاماژه‌كر دێ پێرابوونێن كارگێری و قانوونی به‌رامبه‌ر پێشێلكارێن ڤێ فه‌رمانێ هێنه وه‌رگرتن.
