كالێ كامه‌ران: گرنگی ب یاریا شمشێربازیێ نا هێته دان
ئه‌ڤرۆ، هه‌ولێر، سولین سلێمان.
د دیداره‌كێ دا كچا باژێرێ سلێمانیێ و یاریزانا یاریا شمشێربازیێ دیاركر هه‌ڤالێن وێ ئه‌گه‌رێن سه‌ره‌كی بوو حه‌ز و ڤیان بۆ ڤێ وه‌رزشێ په‌یدا بیت لێ گرنگی پێ نا هێته‌دان.
زێده‌تر كالێ كامه‌ران بۆ رۆژناما ئه‌ڤرۆ گۆت: ده‌ستپێكا من به‌ری 13 سالا ل گه‌ل یانا ئه‌ڤرۆدێت بوو د یاریا شمشێربازیێ دا وشیاینه رێزێن ئێكێ هه‌تا سێیێ بده‌ستڤه بینن و قاره‌مانیا كوردستانێ یا دویێ بوویمه، لێ مخابن ژبه‌ر كێماتیا یاریگه‌ها و كه‌لوپه‌لێن پێدڤی یێن ڤێ یاریێ كو ئاسته‌نگ په‌یداكرینه ژبه‌ركو بۆ سه‌ركه‌فتنا هه‌ر یاریزانه‌كی پێدڤی ب ئه‌ڤان كه‌لۆپه‌لان دبیت و گرنكی پێ ناهێته دان تایبه‌ت ل كوردستانێ و تا راده‌یه‌كی مروڤ دشێت بێژت نینه، لێ ئه‌م به‌رده‌وام راهێنانا دكه‌ین و یاریزانێن هه‌ین.
كالێ ئه‌وچه‌نده ژی دیاركر هه‌بوونا پشته‌ڤانیێ ژلایێ خێزانا خوه شیایمه د راهێنانان دا به‌رده‌وام و به‌رهه‌ڤ بیت بۆ هه‌ر قاره‌مانیه‌كێ، هیڤی خواست ئه‌ڤ یاریه ل كوردستانێ وه‌كو هه‌ر وه‌لاته‌كی پشته‌ڤانی بۆ بهێته كرن.
