كامیران بێتاسی: ژ نەچاری دەرهێنەریێ بۆ كلیپان دكەم
هەرهین محەمەد:
دەرهێنەرێ بەرنیاس (كامیران بێتاسی) كو باژێرێ زاخۆیە، د دیدارەكێ دا بۆ ئەڤرۆ دیاركر نوكە ئەو مژوولی چێكرنا كلیپەكێ یە بۆ سترانبێژ ئینسێ ئاگری كو سترانەكە ژ ئەلبۆما وی یا نوو، ستران نوكە دقوناغا وێنەكرنێ دایە و ل بەرە ل نێزیك بهێتە بەلاڤكرن.
بێتاسی گۆت: دەرهێنەرییا فلمان بۆ من خوەشترە ژ یا كلیپا، بەلێ ل كوردستانێ بودجە نینە ئەم هەر دەم فلمان چێكەین، لەورا هندەك جاران خوە مژوول دكەم ب چێكرنا كلیپ و بەلگە فلمان، بەلێ مژوولكرنا من ب كلیپان ڤە ژ نەچاری یە، چونكو گەلەك هزر و حەز دسەرێ من دانە و دشێم ب چێكرنا كلیەكێ نیشا بدەم و هەكە من پێ چێ نەبیت فلمەكی، یان شورفلمەكی چێكەم و من رێز یۆ هەموو سترانبێژان هەنە، بەلێ نەشێم بۆ هەموو سترانبێژان كاربكەم و دڤێت مۆزیك و ستران دجهێ خوە دابن و پەیڤ د رەسەن بن و پتر ب تشتێ كوردی رازی دبم و دسەر هندێ راژی سترانبێژ هەبووینە من رەتكرین و دبیت ستران بۆ وی یا خۆش بیت و دراستی ژی دا ستران وەسایا خۆشە د رادیویێ دا، ئانكو بتنێ دەنگ گوهێ خوە بدەیێ نەكو بهێتە كلیپكرن، چونكو هەموو ستران نەیێن كلیپكرنێ نە.
