كامیره‌كا به‌ری 129 سالان ل مالا خوه پاراستیه
خانكێ، دلڤین ره‌شید:
وێنه‌گر (ئیڤان حه‌جی مه‌غسۆ) د دیداره‌كێ دا بۆ رۆژناما ئه‌ڤرۆ دیاركر كو ئه‌و ژ گوندێ خێراڤایێ یه ل كۆمه‌لگه‌ها خانكێ، سه‌ر ب قه‌زا سێمێلێ ڤه و ده‌رچۆیێ زانكۆیا پۆلیته‌كنیكا دهۆكێ یه/ پشكاراكه‌هاندنێ و پشتی ده‌رچۆنێ وه‌ك وێنه‌گر خوه دایه نیاسین و هه‌تا نوكه یێ به‌رده‌وامه.
ناڤهاتی گۆت: دژیه‌كێ بچووك دا حه‌زا وێنه‌گرتنێ ل ده‌ف من هه‌بوو، چنكو ئه‌ز دناڤ مالباته‌كێ دا رابوویمه هنده‌ك ژوان وێنه‌گر بوون و یێن دی ژی هه‌موویان حه‌ز ژ وێنه‌گرتنێ دكرن و سوباس بۆ خودێ ب رێكا كامیرا خوه ئه‌ز دشێم داهاته‌كی بۆ مالا خوه پێ په‌یدابكه‌م، له‌ورا كامیره گه‌له‌ك ل ده‌ف من یا گرنه و ئه‌ز خۆشیه‌كا تایبه‌ت ژێ دبینم، له‌ورا ئاره‌زو ئه‌ڤه چه‌ند ساله ئه‌ز كامیرێن كه‌ڤن و نوو خرڤه‌دكه‌م و هه‌تا نوكه نێزیكی 200 كامیرا دمالا من دا هه‌نه و كامیرا ژ هه‌موویان كه‌ڤنتر یا سالا (1892) یه، ئانكو یا به‌ری (129) سالایه، هه‌روه‌سا ئه‌ز دچمه ئاهه‌نگ و ده‌واتان ژی، هه‌روه‌سا ئه‌ز وێنه‌گرێ دو به‌رنامامه، یێ ئێكێ ل كوردستان تیڤی و یێ دویێ ژی ل دهۆك تیڤی.
