كامیره هه‌ڤالا وی یه
عه‌لی حاجی:
وێنه‌گر ئه‌حمه‌د عه‌بدوللا، كو خه‌لكێ باژێرێ دهۆكێ یه، د دیداره‌كێ دا بۆ رۆژناما ئه‌ڤرۆ دیاركر كو ئه‌و خۆشیێ ژ گرتنا وێنان دبینیت و كامیرا وی بوویه هه‌ڤالا وی و ل گه‌ل هندێ دایه هنده‌ك وێنا ده‌ستكاری تێدا بهێته كرن ب تایبه‌تی ژ روویێ ره‌نگان ڤه.
ئه‌حمه‌د گۆت: من حه‌زه‌كا مه‌زن ل سه‌ر گرتنا وێنان هه‌بوو له‌وما سالا 20214 من ده‌ست ب كارێ فوتوگرافه‌ریێ كر به‌لێ سالا 2017 من ده‌ست ب كارێ فوتۆیێ كر ل ستودیۆیه‌كێ ل باژێرێ دهۆكێ و ئه‌ز ب رێیا هه‌ڤالان و یوتیۆبی باشتر فێری گرتنا وێنان بووم، و رۆژ بۆ رۆژ هه‌ڤالینیا من ل گه‌ل فوتۆیێ مۆكومتر لێ دهێت له‌وما ئه‌زخۆشیێ ژی ژ گرتنا وێنان دبینم و دخوازم به‌رده‌وام نوویاتیان بكه‌م ژبه‌ركو چاڤێن خه‌لكێ ژ هه‌ژی تشتێن نوویه و ئه‌ز ل گه‌ل هندێ دامه ده‌ستكاری د وێنه‌یی دا بهێته كرن ب تایبه‌تی ژی ره‌نگ ب وێنه‌ی بهێته دان دا كو جوانتر ببیت ئه‌و وێنه و حه‌ز ژ گرتنا هه‌موو جۆرێن وێنان دكه‌م ژبه‌ر كو هه‌ر وێنه‌كی تایبه‌تمه‌ندیا خوه هه‌یه و پێدڤی یه زێده‌تر فوتۆگرافه‌ر ب خوه پشته‌ڤانیا خوه بكه‌ت دا كو هه‌بوونا خوه دیار بكه‌ت.
