كانێ جانێ؟
خالد عەلی سلێڤانەیی
كانێ یارا من هەی فەلەك
ژڤانێ مەبوو ئەڤ شەڤە
من پرسیارا وێ كر گەلەك
گۆتن: باركر ناهێتە ڤە
خەریبم ژ چاڤێن بەلەگ
دێ بزڤرەڤە دویر نەكەڤە
دەنگێ تە ناهێت ل دویری
وەرە و دلێ من نەشكێنە
كیڤە ب چم تو ل بیری
رێك نینە بیرهاتن لێ نە
ل سەر پێلێن ڤی خابیری
چپكێن ئاڤێ دبنە وێنە
من نە دڤییا تو بار بكی
دل پشتی تە یێ دكت گری
من هەر دگۆت تو نازكی
كێ تو ئەڤرۆ ژ من ڤەكری؟
برینێن من خو ل ئێك نادن
گەر تو بدەستێن خۆ نە دروی
شەڤ دهێن ئەز ب تنێ مە
دگەل ستێرا دئاخفم
ب گەرماتی چاڤەرێمە
ژ خەما چاوا دێ نڤم؟!
ژین پشتی تە لمن زیندانە
بەس گەل بیرهاتنا دچڤم.
