كاودانێن عیراقێ و ده‌لیڤه‌كا زێرین یا دی بۆ پارتی!

هه‌ ر ژ ده‌سپێكا دروستبوونا پارتی دیمۆكراتی كوردستان و حه‌تا نوكه‌ د هه‌می قووناغێن بزاڤا رزگاریخوازا كوردی دا پارتی باج و قوربانیێن مه‌زن داینه‌ پێخه‌مه‌ت پارستنا ناڤمالا كوردی و بده‌ستڤه‌ئینانا مافێن ره‌وا یێن گه‌لێ كورد و هه‌ر پارچه‌كا كوردستانێ پێدڤی هاریكاریێ با پارتی ئێكه‌م لایه‌ن بۆ كو د هه‌وارا وان دچوو!!
به‌لێ مخابن ل ده‌مێ ل مێژوویا كوردی بزڤرین د بینین كو د قووناغێن زۆر هه‌ستیار و چاره‌نڤیساز دا لایه‌نێن دی یێن كوردی هه‌ولداینه‌ مفایێن حزبی یێن به‌رته‌نگ بده‌ستڤه‌ بینن و ل سه‌ر كیستێ ملله‌ته‌كی و تایبه‌ت ل سه‌ر كیستێ پارتی! و دیرۆكا پڕه‌ ژ ڤان هه‌لۆیست و كاودانان!! و دڤان كاودانان ژی دا هه‌ر هنده‌ك لایه‌ن هه‌می كار و بزاڤێن وان ئه‌وه‌ پارتی لاواز ببیت و مالا بارزان سه‌ركرداتیا بزاڤا كوردی نه‌كه‌ن و بۆ ڤێ چه‌ندێ چه‌ندین پیلان و كێشه‌ دروستكرینه‌!!
ئه‌ڤ كاودانێن نوكه‌ عیراق تێدا دبۆریت كو حوكمه‌ته‌كا لاواز و په‌رله‌مانه‌كێ لاواز و سه‌رۆكاتیه‌كا لاواز و هه‌می پێشبینی بۆ وێ چه‌ندێ د چن كو ئه‌ڤه‌ دووماهی قووناغه‌ كو عیراق وه‌ك وه‌لاته‌كێ ئیكگرتی بمینیت! ئانكو دێ پارچه‌ بیت!!
له‌ورا ئه‌ڤه‌ باشترین ده‌لیڤه‌یه‌ بۆ پارتی وه‌ك هێزا ئێكێ ل هه‌رێما كوردستانێ كو به‌رهه‌ڤیه‌كا مه‌زن بكه‌ت بۆ كونترۆلكرنا بارودۆخێ هه‌رێمێ ژ هه‌می لایان ڤه‌ و ئه‌و كێشێن لایه‌نێن دی یێن كوردی كه‌تینه‌ تێدا چ ل هه‌رێمێ و چ ل به‌غدا تایبه‌ت كێشێن ڤێ دووماهیێ ل به‌غدا مفایی ژ وه‌رگریت بۆ سنۆرداركرنا بزاڤێن لایه‌نێن دی یێن كوردی و ئێخستنا وان ل بن بابه‌تێ سه‌ربه‌خوه‌یێ! چونكی هه‌می لایه‌نێن دی یێن كوردی ژ لایێ جه‌ماوه‌ریڤه‌ و ژ لایێ ره‌فتاركرنێ ل گه‌ل كاودانان تووشی شكه‌ستن و لاوازیێن مه‌زن بووینه‌!!
مفاوه‌رگرتن ژ ڤان كاودانێن نوكه‌ عیراق تێدا دبۆریت و ل گه‌ل به‌رنامێ چاكسازیێ یێ سه‌رۆكاتیا هه‌رێمێ دێ هێزه‌كا مه‌زن ده‌ته‌ پارتی كو ڤێ قووناغا زۆرا مه‌ترسیدار ده‌ربازكه‌ت ب كێمترین زیان و ئه‌و كێشه‌ و گرفتێن پارتی كه‌تیه‌ تێدا چاره‌ كه‌ت هه‌ر ژ لایی ته‌نزیمی ڤه‌ و هه‌ر ژ لایی ئیداری و په‌یوندیانڤه‌!!
هیڤیدكه‌م ئه‌ڤ جاره‌ وه‌كی جارێن دی كورد ب گشتی و پارتی ب تایبه‌تی شاشیێن به‌رێ دوباره‌ نه‌كه‌نه‌ ڤه‌ و ببنه‌ پالێن ب هێزكرنا به‌غدا بیی كو چ ده‌ستكه‌فتان ژ لاوازیا وان وه‌رگرن!! و دوباره‌ پارتی قوربانیا نه‌ده‌ت پێخه‌مه‌ت لایه‌نێن دی!! و لایه‌نێن دی دوباره‌ ب هێز بكه‌ڤن و دژی پارتی راوستن و كێشه‌ و قه‌یرانان دروستكه‌ن بۆ بده‌ستڤه‌ئینانا چه‌ند ئیمتیازه‌كێن كێم یێن حزبی و چه‌ند به‌رژه‌وه‌ندیه‌كێن به‌رته‌نگ!!
فه‌ره‌ هه‌ر ژ نوكه‌ راگه‌هاندنا كوردی ل گه‌ل سه‌ركردایه‌تیی و ل گه‌ل خه‌لكی ئاماده‌كاریێ بۆ قووناغا نوو بكه‌ن كو ئه‌و ژی پارچه‌بوونا عیراقێ یه‌ بگره‌ ژ لایێ نیڤدوله‌تی ڤه‌ و به‌رهه‌ڤییا خه‌لكی بۆ ریفراندوم و ده‌له‌تبوونێ و ئاڤاكرنا سازیێن ده‌وله‌تی و شه‌حنكرنا جادا كوردی كو به‌رده‌وام و ب هێز به‌حسی ده‌له‌تبوونێ بكه‌ت!! و رێ نه‌ده‌ن ده‌زگه‌هه‌كێ راگه‌هاندێ یان لایه‌نه‌كێ كوردی ژ ڤی چارچووڤه‌یی ده‌ركه‌ڤیت و ڤان كێشه‌ و قه‌یرانا بكه‌ته‌ به‌هانه‌ كو دژی سه‌ربه‌خویێ براوستن!! چونكی سه‌ربه‌خوه‌یی كلیلا چاره‌كرنا هه‌می قه‌یران و كێشانه‌!!

کۆمێنتا تە