كاوه دينۆ: ره‌خنه ب تنێ ل گولچيێن كورد دهێنه گرتن
گولچيێ سه‌ره‌كي يێ تيما ته‌پا پێ يا يانا دهوك يا خولا كوردستانێ ل وه‌رزێ بوري دياركر وي ده‌ليڤا خوه د گه‌ل تيما خولا عيراقێ نه ديت چونكو هونه‌رێ په‌يوه‌نديكرنێ نوزانيت و ب تنێ ئه‌و پێگيريێ ب راهێنان و رێنمايێن يانێ دكه‌ت و دوور دبينت ئه‌ڤ ساله د خولا عيراقێ دا پشكداريێ بكه‌ت.
زێده‌تر ناڤبري د ديداره‌كێ دا بو روژناما ئه‌ڤرۆ گوت: ده‌مێ گولچيێ كورد خه‌له‌تيه‌كێ دكه‌ت ب توندي ره‌خنه لێ دهێنه گرتن و راگه‌هاندن ژي پشته‌ڤانيێ لێ ناكه‌ت و به‌روڤاژي كه‌س باس ل خه‌له‌تيێن گولچيێ بياني ناكه‌ت.
ل دۆر هوكارێن مانا خوه ل ل يانا دهۆكێ دياركر كو دخوازيت ديروكه‌كێ دگه‌ل يانا دهۆك تومار بكه‌ت و هه‌تا دووماهي رۆژا ژيێ خوه دێ د گه‌ل يانا دهوك بيت، هه‌كه بمينت ئێخسيرێ ده‌پێ يه‌ده‌كان و زێده‌تر ناڤبري ل دور هاتنا راهێنه‌رێ نوو و پشته‌ڤانيا كارگێريێ گوت: پێنج سالان د گه‌ل ڤي راهێنه‌ري بوم و گه‌له‌كێ دلسوزه بو يانێ و راهێنه‌ره‌كه ل به‌رژه‌وه‌ندا يانێ و ياريكه‌رێ كورد د گه‌ريت و سه‌روكێ يانێ سوز دايه مه پشته‌ڤانيا مه بكه‌ت، تايبه‌ت پشتي مه بريار داي سه‌ره‌راي هه‌بونا قه‌يرانا داراي بمينه د گه‌ل يانێ و هه‌تا نوكه هه‌ڤبه‌ستا خوه نوونه‌كريه و چو ياريكه‌رێن دي نوو نه‌كرينه.
ل دۆر ڤه‌گوهاستنا ياريكه‌ران ژ يانه‌يێن پارێزگه‌هێ و راهێنه‌رێن گولچيان كاوه دينو دياركر ب كاره‌كێ ئاسايي دبينم ياريكه‌ر د ناڤا يانێن پارێزگه‌هێ دا بهێنه ڤه‌گوهاستن و ياريا ته‌پا پێ بو ياريكه‌ران بويه ژێده‌رێ ژيانا وان يا روژانه و هه‌بونا راهێنه‌رێن گولچيان ژي يا ب ساناهي يه، تايبه‌ت هه‌كه گولچيێن يانێن مه د رژد بن ل سه‌ر كارێ خوه و كار بكه‌ن بو پاشه‌روژا خوه يا راهێنه‌ريێ.
ل دووماهيێ ژي دياركر تيما وان دره‌نگ ده‌ست ب راهێنان و خوه به‌رهه‌ڤيێ كريه بو وه‌رزێ نوو يێ خولا كوردستانێ و وه‌سا پێشبيني دكه‌ت هه‌ڤركيه‌كا ب هێز هه‌بيت تايبه‌ت ژلايێ زێره‌ڤاني و زاخۆ دێ شێن هه‌ڤركيا ناسناڤي كه‌ن.
