كاوە فەیسەل بوو جێگرێ سەرۆكێ فیدراسیۆنا باسكێت بۆلا ئیراقێ
ب شێوەكێ فەرمی كاوە فەیسەل كوڕێ پارێزگەها دهۆكێ جهێ خوە د ناڤ هەیكەلێ فیدراسیۆنا باسكێت بۆلا ئیراقێ دا پاراست پشتی شیایی د هەلبژارتنێن گشتی دا 61 دەنگان كۆمبكەت ل سەر جەمێ99 ئەندامێن دەنگداین ئەوا ب بەرهەڤبوونا 105 ئەندامێن دەستەكا گشتی ل هۆلا گرتییا لژنەیا ئۆلمپی یا ئیراقێ ل ئەینیا بوری ب سەرپەرشتییا لژنەیا ئۆلمپییا ئیراقێ ل بەغدا هاتیە كرن.
د پرۆسێسا دەنگدانێ دا 105 دەنگدەرێن ماف هەیی ژ ئەندامێن دەستەكا گشتی ژ سەرجەمێ 109 ئەندامێن فەرمی، لێ ب تنێ 99 ئەندامان مافێ دەنگدانێ بۆ هاتە دان و حەفت ژ ئەوانا دەنگێ خوە نەداـ پشتی پرۆسێس ب دووماهی هاتی و ڤاڤارتنا دەنگان هاتیە كرن ئەنجام بڤی رەنگی بوون، حسێن ئەلعمێدی ب كۆمكرنا 76 دەنگان دۆبارە وەكو سەرۆكێ فێدراسیۆنا هاتە هەلبژارتن، كوڕێ پارێزگەها دهۆكێ و نوونەرێ كوردستانێ كاوە فەیسەل ب كۆمكرنا 61 دەنگان وەكو جێگرێ سەرۆكێ فیدراسیۆنێ دۆبارە هاتە دەستنیشانكرن و دووڤدا هەر ئێك ژ خالد نەجم وەكو سكرتێر بكۆمكرنا 62 دەنگان، ئەندامان محەمەد سالح ب59 دەنگان، سدێر محەمەد 63دەنگ، بیلال مەولۆد ب64 دەنگان، فەیسەل غازی ب58 دەنگان.
بۆ زانین سێ ئەندامێن فیدراسیۆنێ یێن بەری نوكە نە هاتنە هەلبژارتن ژبەر كێمییا دەنگان ئەو ژی موهەنەد عەبدولستار 43 دەنگ، فائیز عەدنان 46 دەنك، وەسن حەنۆن 44 دەنگ.
د پەیڤەكێ دا حسێن ئەلعمێدی بۆ دەزگەهێن راگەهاندنێ گۆت: پرۆسێسا هەلبژارتنان ب شێوەكێ دادپەروەرانە و شەفاف بەرانبەر هەمیان ب ڕێڤە دچوو و بەرسڤەكە بۆ هەمی وان كەسێن گۆمان هەین.
بۆ زانین ژ پارێزگەها دهۆكێ سێ یانەیێن وەرزشی د دەستەكا گشتی دا بوون و بەرهەڤی دەنگادنێ بوون ئەو ژی یانەیا دهۆك، سەنحاریب، تەناهی، ئامێدیێ و یانەیا ئافرەتێن دهۆك.