كاژین فه‌رزنده: 12 ساله یاریزانا هه‌لبژارتیا ئیراقێ مه
ئه‌ڤرۆ، هه‌ولێر، سولین سلێمان
د داخویانیه‌كێ دا كچا باژێرێ ئاكرێ و یاریزانا یانا زانكۆ یا هه‌ولێری دیاركر پشتی شیاین سه‌رفه‌رازی ناسناڤێ قاره‌مانیا ئیراقێ بۆ یاریا ته‌پا ده‌ستی ب ده‌ستخوه‌ڤه بینن و به‌رهه‌ڤیا بۆ ڤێ قاره‌مانیێ كه‌ن ئه‌وا دێ ل ده‌ستپێكا هه‌یڤا بهێت وه‌لاتێ كازاغستانێ هێته كرن.
زێده‌تر ناڤهاتی بۆ رۆژناما ئه‌ڤرۆ گۆت: ب خوشحالی ڤه پشتی من گرێبه‌ستا خوه ل گه‌ل یانا زانكۆ ئیمزاكر ژبه‌ركو هیڤی و ئارمانجێن كارگێریا یانێ و یاریزانان ده‌ستڤه ئینانا ناسناڤی بوون، له‌ورا هه‌ر ژ ده‌ستپێكێ مه ب به‌رنامه كاركر و شیاین ب گه‌هینه ئارمانجا خوه بۆ ناسناڤێ ئیراقێ و پلێتا پشكداریێ د قاره‌مانیا ئاسیادا ژی ده‌ستخوه‌ڤه بینن كو دهێته هژمارتن جارا ئێكێ یه ڤی ده‌ستكه‌فتی دئینن و پێنگاڤا دویێ یا خوه به‌رهه‌ڤكرنێ بۆ قاره‌مانیێ دێ دانانا كه‌مپێ راهێنانێ بیت به‌ری ب كه‌ڤینه د هه‌ڤڕكیان دا.
ژلایه‌كێ دووڤه ناڤهاتی دیاركر وه‌كو ئێك ژ یاریزانێن هه‌لبژارتیا ئیراقێ هه‌ر ژ سالا 2013ێ و هه‌تا نوكه به‌رده‌وامه لێ ژبه‌ر ڤایرۆسێ كۆرۆنایێ د سالێن بۆری دا ئه‌م نه‌شیاین چو پشكداریێن ده‌رڤه بكه‌ین و دوور كه‌فت بووین لێ گه‌شبینن دێ دوباره ڤه‌گه‌ڕێنه دناڤ چالاكیێن نێڤده‌وله‌تی دا وه‌كو كچه‌كا كورد و خه‌لكا پارێزگه‌ها دهۆكێ دێ پشكداربم.
