كراسێ وێ هاته دزين
ئه‌ڤرۆ نيوز:
فيستانێ ئه‌كته‌را سينه‌مايى لۆبيتا نيونگۆ ل ده‌مێ ئاهه‌نگا ئۆسكا يا ڤێ دووماهيێ ل ژوورا وێ ل ئۆتێلا هۆليۆد هاته دزين كو ب بهايێ 150 هزار دولارايه و ژ شه‌ش هزار لوئلۆئان هاتيه چێكرن.
نيۆنگۆ يا 31 سالى ب خه‌لاتێ باشترين ئه‌كته‌را هاريكار ل ئاهه‌نگا خه‌لاتێن ئۆسكا بۆ سالا 2014 هاتبوو خه‌لاتكرن ژ ئه‌نجامێ پشكداريا وێ د فلمێ 12 سال ژ كوێلاتيێ. ئه‌ڤ ساله ئه‌كته‌ر كينى پشكدارى د پێشكێشكرنا ئاهه‌نگا ئۆسكار دا كر ئه‌وا ئێكشه‌مبيا بۆرى هاتيه گێران.
هه‌ر چه‌نده پۆليس و كارگێريا ئۆتێلێ هه‌تا نوكه گۆمان نه‌بريه ده‌ف كه‌سێ و كه‌س ده‌سته‌سه‌رنه‌كريه به‌لێ ئه‌وان راگه‌هاندن كو ئه‌و دێ ته‌ماشه‌يى ڤيديۆيێن ئۆتێلێ كه‌ن و پێشبينى دكه‌ن يان رۆژا دوشه‌مبى يان سێشه‌مبى هاتبيته دزين ده‌ما نيۆنگۆ ژ ئۆتێلێ ده‌ركه‌فتى، به‌لێ هه‌تا نوكه نووته‌رێن ڤێ ئه‌كته‌رێ چو داخۆيانى نه‌داينه.
