كرۆم دێ ب رێیا زیره‌كیا ده‌ستكرد ته ژ مالپه‌رێن زیانبه‌خش پارێزیت
نها زیره‌كیا ده‌ستكرد بوویه كه‌رسته‌ك بۆ نه‌هێلانا فێلان ل سه‌ر ئه‌نترنێتێ. درسته بۆ وان ژی دهێته بكارئینان یێن خراب بكار دئینن و هێرشان دكه‌نه سه‌ر مرۆڤی، به‌لێ د هه‌مان ده‌م دا بۆ پاراستن و باشتركرنا پاراستنا مرۆڤان ژی دهێته بكارئینان. كۆمپانیا گۆگل كه‌رسته‌ك ئاماده كریه كو ب رێیا زیره‌كا ده‌ستكرد دێ ته‌یێ بكارئینه‌ر ل سه‌ر مالپه‌ر و تۆڕێن جڤاكی پارێزیت.
هه‌تا نها، ئه‌ڤ تایبه‌تمه‌ندیه ب تنێ بژارده‌ك بوو و نه‌گه‌هشتبوو بكارئینه‌ران، به‌لێ نها هه‌موو بكارئینه‌رێن ڤی به‌رنامه‌ی دشێن مفایی ژێ ببینن. د ڤی بابه‌تی دا دێ نیشا هه‌وه ده‌ین دێ چاوان شێن مفای ژێ بینن و چاوان هاریكاریا هه‌وه كه‌ت بۆ پاراستن ژ ئه‌نترنێتێ و وان هێرشێن روو ب روویێ ته دبن ژ لایێ خرابكاران ڤه.
– لێگه‌رێ كرۆمی نها چه‌ندین تایبه‌تمه‌ندیێن زیره‌كا ده‌ستكرد تێدانه بۆ هه‌موویان
به‌لێ ب تایبه‌ت چ؟ ئه‌ڤه‌یه تایبه‌تمه‌ندیا به‌رنیاس ب باشترین پارێزه‌ر. زیره‌كیا ده‌ستكرد دهێته بكارئینان بۆ پاراستن د ده‌مێ گرنگ دا و دیاركرنا مالپه‌رێن زیاندار یان دانلۆدكرنێن تشتێ ب مه‌ترسی یێن كو زیانێ دگه‌هینن.
ئه‌ڤ تایبه‌تمه‌ندیه یا به‌رده‌سته ل Chrome Canary، لێگه‌رێ گۆگلی، ده‌ما ل ده‌ستپێكێ هاتیه تێستكرن. نه‌یێ به‌رقه‌رار بوو، ژ به‌ر هندێ ژی دبیت چه‌ند ئاریشه‌ك ب ره‌نگه‌كێ سرۆشتی تێدا هه‌بن. به‌لێ نها د ڤێ دانه‌یا نووكری دا یێ به‌رقراره، ژ به‌ر هندێ هه‌كه هێشتا گوگل كرۆمێ كه‌ڤن بكاردئینی، دشیان دایه نوو كه‌ی و مفای ژ وان خزمه‌تان ببینی.
د سه‌ر هندێ را كو گوگل چاوانیا كاركرنا وی ب ره‌نگه‌كێ دروست به‌حس نه‌كریه، به‌لێ دبیت، به‌لێ وه‌سان دیار دبیت كو ئه‌و پشت به‌ستنێ ل سه‌ر باشترینێ دكه‌ت د ده‌مێ گۆنجایی دا و بكارئینه‌ران هشیار دكه‌ت ل ده‌مێ هه‌بوونا مه‌ترسیێ. مه‌ره‌م پێ ئه‌وه قوربانیان هشیار دكه‌ت ده‌مێ یا دروست نه‌بیت كلیكێ ل جهه‌كی بكه‌ت كو جهێ مه‌ترسیێ بیت یان ژی چوونا ناڤا هنده‌ك مالپه‌ران كو یا دروست نه‌بیت بچنه ناڤ.
د سه‌ر هندێ را، ئه‌ڤه‌یه یا گۆگل پشت راست كری، ئه‌ڤ تایبه‌تمه‌ندیه ب ئه‌نجامدانا شرۆڤه‌یان رادبیت ب ره‌نگه‌كێ گه‌له‌ك كوور بۆ فایلێن دهێنه دانلۆدكرن. یا پشت راسته كو رێیا ژ هه‌موویان به‌ربه‌لاڤتر تووشبوونه د رێیا ئه‌و فایلێن دهێنه دانلۆدكرن، وه‌كو فایلێن پی دی ئێف كو تشته‌كێ گه‌له‌ك نورمال و ب ساناهی یه.
گه‌له‌ك یا گرنگه ژ لایێ خوه ژی ڤه تو ب خوه ژی خوه ب پارێزی و ل دووماهیێ ئه‌ركێ پاراستنا پێزانین و هه‌ر تشتێ تایبه‌ت ب ته ڤه د ستوویێ ته دایه. ژ به‌ر هندێ دڤێت یێ هشیار بی و نه‌كه‌ڤیه چ ته‌بكان و خوه ژ ئاریشان دوور بێخی ب تایبه‌ت یێن دبنه مه‌ترسی ل سه‌ر تایبه‌تمه‌ندیێن ته ل سه‌ر ئه‌نترنێتێ. ژ به‌ر هندێ ژی نیه‌تا باش كاره‌كێ گه‌له‌ك گرنگه.
بۆ تووشكرنا بكارئینه‌ری، ئه‌ڤ كه‌سێن ب هاككه‌ر دهێنه نیاسین، په‌نایێ دبه‌نه به‌ر شوفرێن لاواز یێ د كۆمپیۆته‌ری یان ژی د لێگه‌ری دا. هه‌بوونا دانه‌یێن نوو ژ لێگه‌ری دبنه ئه‌گه‌ر كو ئه‌ڤ لاوازیێن ئه‌منی نه‌مینن و پاراستنه‌كا باشتر به‌رهه‌م بهێت.
ل دووماهیێ، خوه پاراستی ل ده‌مێ لێگه‌ریانێ ل سه‌ر ته ژی پێدڤی یه. یا گرنگه ته به‌رنامه‌كێ پاراستنا ڤایرۆسان هه‌بیت یێ نووكری بیت ل سه‌ر ئامیرێ ته ل ده‌مێ به‌رنامه‌كی ددانی یان دانلود دكه‌ی. دێ یا گرنگ بیت مه هنده‌ك تایبه‌تمه‌ندی هه‌بیت یێن نوو ژ كرۆمی. ئه‌وێ دهێته بكارئینان ل گه‌ل زیره‌كیا ده‌ستكرد و هاریكاره بۆ ئاشكه‌راكرنا فایلێن زیانبه‌خش.
