كریستیانێن ده‌ڤه‌را ئاكرێ پشته‌ڤانیا ریفراندۆمێ دكه‌ن
ئه‌ڤرۆ نیۆز،ره‌مه‌زان هه‌رنى:
كریستیانێن قه‌زا ئاكرێ پشته‌ڤانیا خوه بۆ ریفراندۆما 25/9 دیار دكه‌ن و دبێژن ژبلى نه‌خوشیێ مه چۆ تشته‌كێ دى ل حوکمه‌تا عیراقێ نه‌دیتیه له‌ورا ده‌وله‌ت بوون مافێ مه‌یه.
سه‌فا كریستیانه‌كێ ده‌ڤه‌را ئاكرێ یه دیاردکەت:کو چه‌ندین جاران ل ده‌ڤه‌را نه‌هلێ خانى و مالێن مه هاتینه سوتن ب ده‌ستێ حوکمه‌تێن ئێك ل دووف ئێكین عێراقی و مه چۆ مفا ل ل عیراقێ نه‌دیتیه ب درێژاهیا مێژوویێ له‌ورا ئه‌م سه‌ربه‌خۆیا كوردستانێ و ده‌وله‌تێ ب مافێ خوه دزانین كو پشته‌ڤانیێ لێ بكه‌ین.
سه‌فا بۆ ئه‌ڤرۆ نیۆز خویاكر ژى:مه گه‌له‌ك زولم دیتیه گه‌له‌ك نه‌خوشى و ده‌ر ب ده‌رى دیتیه ل سه‌ر ده‌ستێ رژێما عیراقێ له‌ورا ئه‌م پشته‌ڤانیا ریفراندۆما كوردستانێ دكه‌ین داكو جاره‌كادى ئه‌و زولم و نه‌خۆشى دوباره نه‌بیت،ژ مێژه‌یه پێدڤى بۆ ئه‌م بباینه ده‌وله‌ت جودا بباین ژ عیراقێ،ئه‌م داخوازێ ژ هه‌موو پارت و لایه‌نێن سیاسى و هاولاتیێن كوردستانێ دكه‌ین بۆ دوباره‌نه‌بوونا وێ زولما ل گه‌لێ كورد هاتیه كرن پێكڤه پشكدارى رۆژا ده‌نگ دانێ بین بۆ رێفراندومێ و سه‌ر به‌خۆیا كوردستانێ.
پتر ژ هه‌شت گوندێن كریستیانا ل ده‌ڤه‌را نه‌هلێ هه‌نه ل سنورێ قه‌زا ئاكرێ هه‌موو پێكڤه پشته‌ڤانیا خوه دیار دكه‌ن بۆ ریفراندۆمێ و سه‌ربه‌خۆیا كوردستانێ.
