كرینا وهختى!!
لۆژیكا دهمى ژ جههكێ بۆ جههكێ دى و ژ جڤاكهكێ بۆ یێ جودایه، ژ بهر كو ل هندهك جهان دهم یێ چالاكه و د ناڤ بزاڤێ دایه و پتر گرنگى پێ دهێتهدان و رێكدئێخن و ل هندهك جهان ژى نه، بۆ نموونه ل دهف رۆژئاڤایان دهم گهلهكێ گران بهایه، چونكى وهلاتێن پیشهسازن و ههموو كارێن وان ب دهمى ڤه پابهندن. لێ مخابن ئهم وهك پێدڤى گرنگیێ نادهینه دهمى و یا ژ ڤێ چهندێ خرابتر ئهوه ههكو ئهم دهمێ خوه رێك نهئێخین و ب ههروه د بۆرینین.
د ئهنكلوسپیدیا مایرس یا ئهلمانى دا، رامانا دهمى ل سالا 1886 هاتیه، كو دهمێ بۆرى، دهمێ نها و دهمێ پاشهرۆژێ ههیه. گهلهك گۆتن دهربارێ گرنگیا دهمى هاتینه گۆتن مینا: دهم وهكو شێریه ههكه تو نهبرى ئهو دێ ته بڕیت، ههروهسا مرۆڤ دشێت ب پارهى دهمژمێرهكێ بكڕیت، لێ نهشێت دهمى بكڕیت. دیسا پهندهكا چینى دبێژیت: میترهكا زێرى نهشێت میترهكا دهمى بكڕیت. بنیامێن فرانكل سهبارهت دهمى دبێژیت: مرۆڤ نهشێت دهمێ بۆرى ب چ رێیا بزڤرینیت. گۆتنهكا عهرهبى ژى ههیه دبێژیت: دهم مامۆستایه بێى كو فێركرن بۆ ههبیت…
نها سهردهمێ پێشڤهچوونێ یه و دهم ب لهز یێ دهێت و دبۆریت و گوهۆڕین بهردهوام یێ دهێنه كرن، لێ ههتا كو ئهم ب ڤان گوهۆڕینان و گهلێن پێشكهفتى ڕا بگههین پێدڤیه مفاى ژ دهمى وهربگرین و رێزێ لێ بگرین و كارێن خوه ل دووڤ دهمى دابهشبكهین و رێك بێخین، چونكى وهلاتێن پێشكهفتى ههر كارهكێ د دهمێ خوه دا دكهن و دهمێن ڤالا د ژیانا وان دا زۆر د كێمن و دهم ل نك وان گران بهایه و وان ب ئاسانى پێشڤهچوون ب دهستڤه نهئیناینه، لهورا رێكخستنا دهمى هێزا گوهۆڕینێ و پێشڤهچوونێ یه، لێ د جڤاكێن پاشكهفتى دا وهسا نینه و دهمى بهایێ خوه نینه و كێم كهس ههنه دهمێ خوه رێكبێخن و بهاى پێ بدهن و بههرا پتر حهز ژ بهتالیێ دكهن و پرانیا دهمێن خوه ڤالا دبۆرینن، لهوا كێم جاران دگههنه وى تشتى ئهوێ وان دڤێت ب دهستڤهبینن، چونكى ههكه مرۆڤى چهندین پلان و ئارمانج ههبن بێ گرنگى دان ب دهمى چ مفایێ خوه نینه، ژ بهر كو دهمێ مرۆڤى یێ دهستنیشان كریه و ههر دهمژمێرهكا ب ههروه دچیت مرۆڤى گیرۆ دكهت ژ گههشتنا سهركهفتنێ، لهوا ل گهل دهمى دڤێت مرۆڤ رۆژانه یێ هشیار بیت و سهرهدهریهكا دروست ل گهل بكهت و خوه فێرى رێكخستن و گرنگیدانا دهمى بكهت و نههێلیت ئێك دهمژمێر ژى ب ڤالا و بێ مفا بچیت، ژبهركو كهس نهشێت دهمێ بۆرى بزڤرینیت، بهلكو ب تنێ دشێن دهمێ مایى دروست بكاربینین و مفاى ژێ وهربگرین، لهوا دڤێت مرۆڤ ههرگاڤ دهمێ خوه ب بها و گرنگى وهربگریت.
*پرانیا كهسان دهمێ خوه ڤالا دبۆرینن، لهورا ناگههنه وى تشتى ئهوێ وان دڤێت ب دهستڤهبینن.
