كرێكارەكێ 22 سالی د ئاڤاهیەكی دا كەفت و گیانێ خۆ ژ دەست دا
زنار تۆڤی:
گەنجەكێ 22 سالی ل دەمێ كاركرنێ ل قاتێ چارێ یێ ئاڤاهیەكی ل پڕۆژەكێ ئاكنجیبوونێ ل باژێرێ دهۆكێ دوهی 11/5/2025 دكەڤیت و دەملدەست گیانێ خۆ ژ دەست دا.
هەڤالێن وی دایە دیاركرن، وی كرێكاری رۆژانە ل گەل كۆمەكا كرێكارێن دیتر ل وی پڕۆژەیی كار دكر، بەلێ دوهی ل دەمێ كاركرنێ، د قاتێ چارێ یێ ئاڤاهیەكی دا دكەڤیت و دەملدەست گیانێ خۆ ژ دەست دا، ل وی دەمی چو هەڤالێن وی ل گەل وی نەبوون، پاشی تەرمێ وی هاتیە ڤەگوهاستن بۆ نۆشدارییا داد ل دهۆكێ.
ناڤێ وی كرێكاری (محەمەد)ە و ئاكنجیێ كۆمەلگەها دۆمیزە.
