كرێیا كارهبێ دێ هێته كێمكرن
ههولێر، سولین سلێمان:
وهزارهتا بازرگانی و وهزارهتا كارهبێ یێن حوكمهتا ههرێما كوردستانێ بزاڤێن رژد كرینه بۆ كێمكرنا بهایێ كارهبێ ژ بۆ كارگههێن پیشهسازی ل ههرێما كوردستانێ.
ئاری ئهحمهد، پهیڤدارێ وهزارهتا كارهبێ بۆ رۆژناما ئهڤرۆ گۆت: “مه ئاریشا گرانیا كرێیا كارهبێ ل گهل وهزیرێ بازرگانی بۆ كارگههێن پیشهسازی كریه و بڕیار هاتیه دان، كو لژنهكا ههڤپشك بهێته پێكئینان ب پشكداریا نوونهرێن دهستهیا وهبهرهێنانێ، داكو كرێیا كارهبا كارگههان و پڕۆژێن پیشهسازی كێم بكهت، پێخهمهت گهشهپێدانا بهرههمێ ناڤخوهیی”.
گۆتژی: “ئهو لژنه دێ نڤیسارهكێ بهرههڤ كهت و تێدا میكانزمهكا گونجای بۆ چارهسهركرنا ڤێ ئاریشێ دانیت، چونكی گرانیا كرێیا كارهبا كارگههان كار ل سهر بهایێ وان كهلوپهلان دكهت یێن د بازاری دا دهێنه فرۆتن، لهو ب مهرهما بهرژهوهندیا گشتی مه بڕیار دایه كرێیا كارهبێ بهێته كێمكرن”.
