كلارنێت پتر ئارامیێ د ده‌تێ
ئاكرێ، ره‌مه‌زان زه‌كه‌ریا:
مۆزیكژه‌ن بریار ئه‌رسه‌لان ئه‌حمه‌د، د دیداره‌كێ دا بۆ رۆژناما ئه‌ڤرۆ گۆت: ئه‌ز ده‌رچوویێ په‌یمانگه‌ها هونه‌رێن جوان و كۆلیژا هونه‌رێن جوانم پشكا مۆزیكێ و سه‌ره‌رای شێوازێ ئه‌كادیمیێ فێربوون و ژه‌نینا مۆزیكێ ئامێرێ كو ده‌ژنم كلارنێته و ئارامیه‌كا زۆر دایه من و نوكه كاری ل سه‌ر به‌رهه‌مه‌كێ مۆزیكێ دكه‌م و ل ده‌مه‌كێ نێزیك دێ ب دووماهی هێت.
زێده‌تر گۆت: ل ده‌مێ ژه‌نینا ئامێرێ كلارنێتێ هه‌ست ب ئارامیه‌كا زۆر دكه‌م و هه‌ر ئه‌و ئارامی ژی بوویه ئه‌گه‌ر پتر گرنگیێ ب ده‌مه مۆزیكێ و هه‌كه مرۆڤ حه‌ز ژمۆزیكێ بكه‌ت یا ب ساناهی نینه بشێت رۆژه‌كێ ده‌ستا ژێ به‌رده‌ت و حه‌ز دكه‌ت به‌رده‌وام بژه‌نیت . و ل ده‌مێ بۆری من ل چه‌ندین چالاكییێن هونه‌ری و ڤیسته‌ڤال و كۆنسێرتا پشكدار كری یه، ل گه‌ل چه‌ندین ڤیدیۆ كلیپ و كارێن مۆزیكێ و ب دیتنا من نوكه هه‌تا راده‌كی گرنگیدان ب هونه‌ر و مۆزیكێ باشتره، به‌لێ پێدڤیه بۆ ده‌مێ بهێت پلانێن دارشتی هه‌بن و گرنگیه‌كا باشتر ب مۆزیكێ بهێته دان.
