كلاسیكۆیا ئەڤرۆ شەڕێ بەرشەلۆنا و ریالێ بۆ ناسناڤێ شاهی یە
ئەڤرۆ
بڕیارە ئەڤرۆ جەماوەرێ وەرزشی ل دەمژمێر 11ێ شەڤ چاڤەڕێ یاریا ئاگرین و كلاسیكۆیا مەزن بن ئەوا دێ ل یاریگەها كامپ نۆ دناڤبەرا خودانێن ئەردی و هەڤڕكا وێ ریال مەدرید ژ چارچووڤێ یاریا دویێ یا ڤەبر ژ كۆپا شاهێ ئسپانیا.
د یاریا ئێكێ دا ئەوا ل یاریگەها سانتیاگۆ بیرنابیۆ هاتیە كرن بەرشەلونا ب گۆلەكێ سەركەفتنێ ئینابوو ئەوا ب خەلەتیا بەرەڤانێ ریالێ ئیدیر میلیتاو، ل دووڤ ئامارێن دیرۆكی یێن دناڤبەرا هەردو یانەیان دا هاتینە بەلاڤكرن كو 253 یاری یێن هەموو خول و قارەمانییان بوون، ریال مەدرید شیایە 101 سەركەفتنان تۆماربكەت، بەرشەلۆنا 100 سەركەفتن ئیناینە د 52 یاریان دا ئەنجامێ وەكهەڤیێ ب دووماهی هاتینە، ژ كۆپایێ 36 جاران بەرانبەر ئێك بووینە 16 جاران بەرشەلۆنا
12 بۆ ریالێ و هەشت وەكهەڤی هاتینە، لێ یاریا ئەڤ شەڤە دبیتە یا پێنجێ
د وەرزێ ئەڤ سالە دا كو سێ جاران بەرشەلۆنا و جارەك ریالێ سەركەفتن ئینایە.
