كليپه‌كا نوو به‌لاڤكر
ئەڤرۆ نيوز:
سترانبێژا گەنج کەژێ ھاوتا ئاشکەراکر، ئەڤە دەمەکە ئەو مژوولی تۆمارکرنا سترانەکا نوویە، ب ناڤێ (دەردێ دووریێ) و ئەڤ سترانە بەری نوکە ژلایێ ب دەنگێ ھونەرمەندەکێ دی ھاتیە تۆمارکرن.
ناڤھاتیێ بۆ رووداو گۆت: یەری نوکە ئەڤ سترانە ب دەنگێ ھونەرمەندێ سترانبێژ محمەد دانش، کو بەری سالەکی وەغەرکریە ھاتیە گۆتن، لێ بابێ من پێشنیازکر وێ سترانێ ب دەنگێ خوە دوبارە کەمەڤە، و ھەر زوو ئەز رازی بووم، چونکو سترانەکا ب تام وخۆشە، و ئەڤە دەمەکە بابێ من یێ دانوستاندنێ دکەت دا ب شێوەکێ باش و جوداتر ژ کلیپێن من یێن بۆری چێکەین.
ل دووماھیێ گۆت: ئەڤە دەمەکە ئەم یێ دانوستاندنان ل گەل کۆمپانیەکا بەرھەم ئینانێ ل وەلاتێ تورکیا دکەین دا ئەلبۆمەکێ بوومە چێکەت.
کەژێ، کچا ھونەرمەندێ ناڤدارێ کورد ھاوتا ئەسعەدە، بەری نوکە چەندین ستران و کلیپ ب شێوێ سینگل بەلاڤ کرینە.